អ្នកវិភាគនយោបាយមួយចំនួនបញ្ជាក់ថា ជម្រើសដ៏ឈ្លាសវៃរបស់លោក សម រង្ស៊ី ធ្វើឲ្យគូប្រជែងស្មានមិនដល់

ក្រោយពេលលោក សម រង្ស៊ី លាលែងពីតំណែងប្រធានគណបក្សសង្គ្រោះជាតិ រួចមកបានធ្វើឲ្យមជ្ឈដ្ឋាននានា តាមដានដោយយកចិត្តទុកចំពោះស្ថានការណ៍នយោបាយ នៅកម្ពុជាដែលមានសភាពកាន់តែតានតឹងហើយមិនទាន់មានច្រកសម្រាប់ដោះស្រាយឲ្យ បានប្រសើរឡើងវិញ។ ទន្ទឹមនឹងនេះអ្នកវិភាគនយោបាយមួយចំនួនបានវាយតម្លៃថា ជម្រើស របស់លោក សម រង្ស៊ី ដែលលាលែងពីតំណែងប្រធានគណបក្សកំពុងធ្វើឲ្យគូប្រជែងស្មានមិន ដល់ឡើយ។ មានន័យថា អ្នកដែលមានបំណងរំលាយគណបក្សសង្គ្រោះជាតិ ឲ្យបានមុន ពេលបោះឆ្នោតកំពុងជួបរឿងខកចិត្តដោយសារតែលោក សម រង្ស៊ី មានភាពឈ្លាសវៃរក ឃើញវិធីទប់ទល់បានភ្លាមៗ។
កាលពីថ្ងៃទី១២ ខែកុម្ភៈឆ្នាំ២០១៧ គណៈកម្មាធិការនាយកគណបក្សសង្គ្រោះជាតិ បានបើកកិច្ចប្រជុំជាបន្ទាន់ហើយសម្រេចឲ្យលោក សម រង្ស៊ី លាលែងពីតំណែងប្រធានគណ បក្សនិងពីសមាជិកភាពរបស់លោកនៅក្នុងគណបក្ស។ លោក យឹម សុវណ្ណ អ្នកនាំពាក្យ គណបក្សសង្គ្រោះជាតិ បានបញ្ជាក់យ៉ាងច្បាស់ជុំវិញបញ្ហានេះក្រោយពេលគណៈកម្មាធិការ នាយកបានសម្រេចទៅលើពីរចំណុចសំខាន់ៗ។ ក្នុងនោះទី១- ទទួលយកពាក្យលាលែងពី គណបក្សរបស់លោក សម រង្ស៊ី និងទី២- ប្រគល់សិទ្ធិជូនលោក កឹម សុខា ទទួលបន្ទុកជា ប្រធានស្តីទីគណបក្សសង្គ្រោះជាតិ រហូតដល់មានការជ្រើសរើសប្រធានគណបក្សថ្មី។
អ្នកតាមដានស្ថានភាពនយោបាយក្នុងប្រទេសកម្ពុជាបានយល់ឃើញថា ការលា លែងរបស់លោក សម រង្ស៊ី ជាមធ្យោបាយដ៏ល្អដើម្បីរំដោះគណបក្សសង្គ្រោះជាតិ ឲ្យរួច ផុតពីគ្រោះថ្នាក់ដែលកំពុងតែប្រឈម។ ទន្ទឹមនឹងនេះមន្ត្រីជាន់ខ្ពស់គណបក្សសង្គ្រោះជាតិ បានចាត់ទុកការលាលែងរបស់លោក សម រង្ស៊ី ថាជាប្រវត្តិសាស្រ្តមួយមិនធ្លាប់មាននៅកម្ពុជា ព្រោះលោក សម រង្ស៊ី ជាអ្នកនយោបាយដែលហ៊ានលះបង់តួនាទីនិងតំណែងជាន់ខ្ពស់ដើម្បី ធ្វើយ៉ាងណាឲ្យមានដំណោះស្រាយសម្រាប់ប្រទេសជាតិ ដើម្បីគណបក្សនិងដើម្បីឆន្ទៈប្រ ជាពលរដ្ឋកុំឲ្យនរណាបំផ្លាញបាន។
លោក យឹម សុវណ្ណ បានបញ្ជាក់ថា លោក សម រង្ស៊ី ជាអ្នកនយោបាយគំរូមួយរូប សម្រាប់អ្នកនយោបាយបច្ចុប្បន្ននិងអ្នកនយោបាយជំនាន់ក្រោយរៀនសូត្រតាម ដោយមិន ត្រូវខ្វល់ពីតួនាទី តំណែង ហើយត្រូវហ៊ានលះបង់ដើម្បីផលប្រយោជន៍ជាតិ។ ចំណែកលោក សម រង្ស៊ី បានបញ្ជាក់ថា ការលាឈប់របស់លោក ពីតំណែងប្រធានគណបក្សជាផ្លូវការ ជា រឿងមិនសំខាន់ឡើយ ហើយការលះបង់បែបនេះគឺមានបំណងការពារគណបក្សដើម្បីផ្តល់ ឱកាសឲ្យគណបក្សសម្រេចឆន្ទៈនាពេលខាងមុខ។ តាមរយៈកិច្ចសម្ភាសន៍ជាមួយបណ្តាញ ព័ត៌មានបរទេសជាបន្តបន្ទាប់គឺលោក សម រង្ស៊ី បានបញ្ជាក់យ៉ាងច្បាស់ពីគោលដៅរបស់ លោកក្នុងការលាលែងពីតំណែងប្រធានគណបក្សសង្គ្រោះជាតិ។
សូម្បីតែប្រជាពលរដ្ឋម្ចាស់ឆ្នោតមួយចំនួនក៏បានសម្តែងមតិ ចំពោះបញ្ហាដែលលោក សម រង្ស៊ី លាលែងពីតំណែងពីប្រធានគណបក្សសង្គ្រោះជាតិផងដែរដោយចាត់ទុកថាជា ជម្រើសត្រឹមត្រូវនឹងមានភាពឈ្លាសវៃ។ ប្រជាពលរដ្ឋក្នុងរាជធានីភ្នំពេញនិងបណ្តាខេត្តនានា បានលើកឡើងថាល្បិចកលរបស់អ្នកប៉ុនប៉ងកម្ទេចគណបក្សសង្គ្រោះជាតិត្រូវបានមជ្ឈដ្ឋាន ជាតិនិងអន្តរជាតិដឹងឮអស់ទៅហើយមិនអាចលាក់បាំងបានទេ។ ក្នុងនោះគម្រោងវិសោធន កម្មច្បាប់ស្តីពីគណបក្សនយោបាយគឺជាល្បិចកលខ្មៅងងឹត របស់អ្នកព្រួយបារម្ភខ្លាចចាញ់ ឆ្នោតនាពេលខាងមុខ។
អ្នកនយោបាយជើងចាស់មួយចំនួនបានទទួលស្គាល់ថា លោក សម រង្ស៊ី មានភាព ឈ្លាសវៃក្នុងការទប់ទល់ស្ថានភាពនយោបាយ ហើយអាចសង្គ្រោះគណបក្សសង្គ្រោះជាតិ បានយ៉ាងស្ងាប់ស្ងាត់និងទាន់ពេលវេលា។ ទោះជាយ៉ាងណាលោក សម រង្ស៊ី នៅតែជានិ មិត្តរូបនៃការផ្លាស់ប្តូរតាមរយៈការបោះឆ្នោតណាពេលខាងមុខ ព្រោះប្រជាពលរដ្ឋកំពុងឆ្អែត ឆ្អន់នឹងរបបដឹកនាំបច្ចុប្បន្ន។ ទន្ទឹមនឹងនេះអ្នកវិភាគនយោបាយបានផ្តល់ជាអនុសាសន៍ថា មេដឹកនាំគណបក្សកាន់អំណាច លោក ហ៊ុន សែន គួរតែដោះស្រាយភាពតានតឹងផ្នែកនយោ បាយដោយសន្តិវិធីឲ្យបានឆាប់ ហើយការយកឈ្នះចាញ់គូប្រជែងគួរធ្វើឡើងតាមរយៈការ បោះឆ្នោតដោយសេរី ត្រឹមត្រូវ និងយុត្តិធម៌ពិតប្រាកដ ស្របតាមឆន្ទៈប្រជាពលរដ្ឋ៕