លោកនាយករដ្ឋមន្ត្រី ហ៊ុន សែន បញ្ជាឲ្យសមត្ថកិច្ចតាមឃ្លាំមើលអ្នកវិភាគនយោបាយលោក គឹម សុខ កុំឲ្យរត់ទៅក្រៅប្រទេស ដូចសមាជិកព្រឹទ្ធសភាគណបក្សប្រឆាំងអ្នកស្រី ថាក់ ឡានី ជុំវិញការចោទប្រកាន់រដ្ឋាភិបាលថាសម្លាប់លោកបណ្ឌិត កែម ឡី។
លោក ហ៊ុន សែន ថ្លែងនៅក្នុងពិធីសម្ពោធស្ពានមិត្តភាពកម្ពុជា-ចិន កោះធំ ខេត្តកណ្ដាល នៅថ្ងៃទី១៣ កុម្ភៈ ដោយមិនចេញចំឈ្មោះលោក គឹម សុខ ទេ ប៉ុន្តែលោកថា លោកបានបញ្ជាទៅសមត្ថកិច្ចតាំងពីម្សិលមិញឲ្យឃ្លាំមើលលោក គឹម សុខ នៅពេលលោកចុះហត្ថលេខាឲ្យមេធាវីដើម្បីប្ដឹងអ្នកវិភាគរូបនេះ។
នៅព្រឹកថ្ងៃនេះ មេធាវីតំណាងឲ្យគណបក្សប្រជាជនកម្ពុជា លោក គី តិច ដាក់បណ្ដឹងប្រឆាំងលោក គឹម សុខ នៅតុលាការហើយ ជុំវិញការចោទថា គណបក្សប្រជាជនកម្ពុជា ប្រើយុទ្ធសាស្ត្រចុងក្រោយសម្លាប់លោកបណ្ឌិត កែម ឡី។
លោក ហ៊ុន សែន បន្តថា ការលើកឡើងរបស់អ្នកវិភាគរូបនេះ ជាការញុះញង់បង្កឲ្យមានអស្ថិរភាពសង្គម ដែលជាទោសត្រូវជាប់គុក និងត្រូវសងជំងឺចិត្ត ខណៈលោកថា នឹងទាមទារជំងឺចិត្ត ចំនួន៥០ម៉ឺនដុល្លារសហរដ្ឋអាមេរិក។ បន្ថែមពីនេះ លោកថា នឹងលក់ឡៃឡុងទ្រព្យសម្បត្តិអ្នកវិភាគនេះ បើសិនអត់ប្រាក់សងជំងឺចិត្តគ្រប់ចំនួននោះទេ។
កាលពីថ្ងៃទី១២ កុម្ភៈ លោក គឹម សុខ ឲ្យអាស៊ីសេរីដឹងថា រឿងប្ដឹងផ្ដល់នេះ មានរឿងជាច្រើនដែលលោកបាននិយាយ ចាប់តាំងពីការប្លន់អំណាច ការលក់ជាតិ ការបែកបាក់ផ្ទៃក្នុង ជាដើម។ លោកបន្តថា រឿងសម្លាប់លោក កែម ឡី លោកប្រើពាក្យថា “គេ“ ហើយរដ្ឋាភិបាលគួរស៊ើបអង្កេតរក “គេ“ នោះជានរណា? ប៉ុន្តែលោកនឹងនៅតតាំងរឿងក្ដីនេះ តែលោកសុំឲ្យរដ្ឋាភិបាលបញ្ចេញវីដេអូពីការសម្លាប់លោកបណ្ឌិត កែម ឡី។
សូមរង់ចាំអាន និងស្ដាប់ព័ត៌មានពិស្ដារ…
No comments:
Post a Comment