ទារកអ៊ីរ៉ង់ដ៏ស្រស់ស្អាតម្នាក់នេះអាចនឹងស្លាប់ ដោយសារមិនអាចមកវះកាត់ជំងឺបេះដូងនៅអាមេរិកបាន ព្រោះតែបម្រាមរបស់លោកត្រាំ!

 ​ទារក​អ៊ីរ៉ង់​ម្នាក់​ជាមួយ​ជំងឺ​បេះដូង​កំពុង​ជាប់​ក្នុងស្ថានភាព​ លំបាក​ជាមួយ​បម្រាម​អន្តោប្រវេសន៍​របស់លោក​ត្រាំ ហើយ​សាច់ញាតិ​គ្រួសារ​របស់​ទារក​រូប​នេះ​ដែល​រស់នៅ​រដ្ឋ Oregon កំពុង​ស្ថិតនៅ​បេសកកម្ម​បន្ទាន់​មួយ​ដើម្បី​នាំ​នាង​មក​សហរដ្ឋអាមេរិក​ស​ ម្រា​ប់​ការវះកាត់​ដ៏​សំខាន់​ជាបន្ទាន់​។​
​    ​ពូ​របស់​ទារក​ឈ្មោះ Samad Teghizadeh បាន​ប្រាប់ CNN កាលពី​ថ្ងៃ​ព្រហស្បតិ៍​យ៉ាង​ដូច្នេះ​ថា គ្រួសារ​របស់​ទារក​ឈ្មោះ Fatemeh ត្រូវ​បានដាក់​កាលវិភាគ​ដើម្បី​ណាត់ជួប​ជាមួយ​ក្រុមគ្រូពេទ្យ​នៅ​ទីក្រុង Portland នៅ​ថ្ងៃទី ៥ ខែកុម្ភៈ​នេះ​ប៉ុន្តែ​ត្រូវបាន​រារាំង​ពី​ការធ្វើដំណើរ​ពី​រដ្ឋធានី​តេ​ហេ​ រ៉ង់​មកកាន់​ទីក្រុង Portland​។​
​    ​កាលពី​ខែ​មុន ក្រុមគ្រូពេទ្យ​អ៊ីរ៉ង់​បាន​ប្រាប់​គ្រួសារ​ទារ​កថា ទារក​ស្រី​អាយុ ៤ ខែ​រូបនេះ​មាន​ភាពមិនប្រក្រតី​នៅក្នុង​រាងកាយ​របស់​នាង​និង​មាន​ប្រហោង​ពីរ​ នៅ​បេះដូង ប៉ុន្តែ​ពួកគេ​មិនមាន​ធនធាន​គ្រប់គ្រាន់​ដើម្បី​ព្យាបាល​ទារក​ឡើយ​។​
​     ​Fatemeh និង​ឪពុកម្តាយ​របស់​នាង​បាន​ហោះហើរ​ទៅកាន់​ទីក្រុង​ឌុយ​បៃ​កាលពី​ថ្ងៃ​សៅរ៍ ប៉ុន្តែ​ពួកគេ​ត្រូវបាន​បញ្ជូន​មកកាន់​អ៊ីរ៉ង់​វិញ​និង​ត្រូវបាន​ប្រាប់ថា ឱ្យ​ស្នើ​ទិដ្ឋាការ​អាមេរិក​គឺ​នៅ ៩០ ថ្ងៃ​ទៀត​។​
​    ​លោក Teghizadeh ដែលមាន​សញ្ជាតិ​អាមេរិក​និង​រស់នៅ​រដ្ឋ Portland កំពុង​ព្រួយបារម្ភ​ក្មួយ​ស្រី​របស់គាត់​នឹង​មិនអាច​រស់រានមានជីវិត​ដោយ​ រង់ចាំ​ដល់ ៩០ ថ្ងៃ​ទៀត​។​
​    ​ការពន្យារ​នេះ​បានកើត​ឡើង​បន្ទាប់ពី​បទបញ្ជា​ប្រតិបត្តិ​របស់លោក​ត្រាំ​ ក្នុងការ​បញ្ឈប់​ការធ្វើដំណើរ​មក​សហរ​ដ្ឋ​អាមេរិក​សម្រាប់​ប្រជាជន​មូស្លីម មកពី​ប្រទេស​ចំនួន ៧ ដោយ​រួម​ប​ញ្ជូ​ល​ទាំង​ប្រទេស​អ៊ីរ៉ង់​៕ប្រភព៖CNN