លោកស្រី មូរ សុខហួរ បានថ្លែងថាលោកស្រីនឹងជួបជាមួយរដ្ឋមន្ត្រីការបរទេសលោកស្រី Julie Bishop និងគណៈកម្មាធិការចម្រុះស្តីពីសិទ្ធិមនុស្សរបស់សភាអូស្ត្រាលីដើម្បីពិភាក្សាអំពីស្ថានភាពនយោបាយក្នុងប្រទេសកម្ពុជាបន្ទាប់ពីមានការរំលាយគណបក្សប្រឆាំងដ៏ធំរបស់កម្ពុជា។
លោកស្រីថ្លែងកាលពីម្សិលមិញថា៖ «សហគមន៍កម្ពុជាក្នុងប្រទេសអូស្ត្រាលីនឹងដាក់ញត្តិមួយទៅសមាជិកសភា»។
លោកស្រីបន្តថាលោកស្រីនឹងស្នើសុំការដាក់ទណ្ឌកម្មទិដ្ឋាការ និងការបង្កកទ្រព្យសម្បត្តិទៅលើមន្ត្រីរដ្ឋាភិបាលជាន់ខ្ពស់ និងការព្យួរជំនួយបច្ចេកទេសចំពោះរដ្ឋាភិបាល «រហូតទាល់តែរដ្ឋាភិបាលមានឆន្ទៈជជែកអំពីការធ្វើឲ្យស្ថានភាពត្រឡប់ទៅរកភាពដូចប្រក្រតីវិញ»។
លោក ជា យូហន សមាជិកម្នាក់នៃអ្នករៀបចំការតវ៉ាថ្ងៃអង្គារនៅក្នុងប្រទេសអូស្ត្រាលីថ្លែងថា៖ «ប្រជាធិបតេយ្យបានបាត់រួចទៅហើយក្រោមភាពផ្តាច់ការរបស់លោក ហ៊ុន សែន»។
ដោយអះអាងថាសហគមន៍កម្ពុជា‑អូស្ត្រាលី «មិនសប្បាយចិត្តទាល់តែសោះ» លោក យូហន បានថ្លែងថាលោកសង្ឃឹមថាការតវ៉ានឹងដាក់សម្ពាធទៅលើរដ្ឋាភិបាលឲ្យចាត់វិធានការ។
ស្ថានទូតអូស្ត្រាលីមិនបានឆ្លើយតបនឹងសំណើសុំអត្ថាធិប្បាយកាលពីម្សិលមិញ ប៉ុន្តែកាលពីពេលមុនបានប្រាប់ភ្នំពេញប៉ុស្តិ៍ថាខ្លួនកំពុងពិចារណាការដាក់ទណ្ឌកម្ម។
មន្ត្រីរដ្ឋាភិបាលកម្ពុជាមួយចំនួនមិនទាន់អាចទាក់ទងសុំអធិប្បាយបានទេ កាលពីថ្ងៃម្សិលមិញ៕ PS
No comments:
Post a Comment