Monday, August 27, 2018
How to earn money from enrich asia
If you are looking to make money online, I would strongly recommend to you join the Enrich.Asia, the most powerful social network that allow you to make money from internet. Three powerful earning streams (1). Make $22.50 for every referral (2). Earning from “traffic view” all your post and share are value, as long as long there are people “Click Views” then you will make money. (3). Passive Income stream from the team power bonus up to 35%. Create your FREE Account at https://www.enrich.asia/referral/bouraimpav.View the earning stream video at https://www.enrich.asia/earning-stream
Friday, August 24, 2018
Saturday, April 7, 2018
វៀតណាមសួរសុខទុក្ខនិងជូនកាដូដល់កម្លាំងការពារតាមព្រំដែនកម្ពុជា
តាមការចុះផ្សាយរបស់អគ្គស្នងការដ្ឋាននគរបាលជាតិបានឲ្យដឹងថា នៅព្រឹកថ្ងៃទី ០៧ ខែមេសា នេះស្នងការនគរបាលខេត្តតាកែវ លោក សុខ សំណាង បានទទួលជួបប្រតិភូបញ្ជាការដ្ឋានតម្រួតយោធាការពារព្រំដែនខេត្តអាន យ៉ាង នៃសាធារណរដ្ឋសង្គមនិយមវៀតណាមដឹកនាំដោយលោក ប៊ូយ ជុនយុង ដែល អញ្ជើញមកជួបសំណេះសំណាលសាកសួរសុខទុក្ខ និងជូនពរឆ្នាំថ្មីប្រពៃណីជាតិខ្មែរ នាពេលខាងមុខនេះ។
តាមការចុះផ្សាយនៅព្រឹកថ្ងៃទី០៦ ខែមេសា ម្សិលមិញ ស្នងការដ្ឋាននគរបាលខេត្តព្រៃវែង លោក ស្រេង ជា ក៏បានទទួល គណៈប្រតិភូយោធាការពារព្រំដែនខេត្ត ឡុងអាន និងខេត្តតៃនិញ នៃប្រទេសវៀតណាម ដើម្បីជួបសួរសុខទុក្ខ និងជូនពរឆ្នាំថ្មី ប្រពៃណីជាតិខ្មែរ ដល់ថ្នាក់ដឹកនាំស្នងការដ្ឋាននគរបាលខេត្ត និងកងកម្លាំងនគរបាលទូទាំងខេត្តព្រៃវែង។
តាមការចុះផ្សាយដដែលគណៈប្រតិភូវៀតណាមលើកឡើងថា កម្ពុជា និងវៀតណាម គឺជាប្រទេសដែលមានព្រំប្រទល់ជាប់គ្នា ហើយប្រជាជនទាំងពីរក៏មានទំនាក់ទនង សាមគ្គីភាពគ្នាល្អ ទាំងការរស់នៅ និងការប្រកបរបរអាជីវកម្មផ្សេងៗផងដែរ។
តាមការចុះផ្សាយបន្តថានៅព្រឹកថ្ងៃទី០៦ ខែមេសា ដដែលនោះលោក ម៉ាយ អាន់ជៀន នាយករងមន្ទីរនគរបាលខេត្តគៀនយ៉ាង ប្រទេសវៀតណាម បាននាំយកការដូ និងបាច់ផ្កា មកអបអរសាទរ ជូនពរដល់ថ្នាក់ដឹកនាំ និង មន្ត្រីនគរបាលខេត្តព្រះសីហនុ ក្នុងឱកាសបុណ្យចូលឆ្នាំថ្មី នាពេលខាងមុខផងដែរ។
តាមការចុះផ្សាយបន្តថាក្នុងពិធីសំណេះសំណាលនោះលោក ជួន ណារិន្ទ ស្នងការនគរបាលខេត្តព្រះសីហនុបានធ្វើបដិសណ្ឋារៈកិច្ច ដោយរីករាយ និងកក់ក្តៅប្រកបដោយមិត្តភាព ព្រមទាំងរាយការណ៍ ជូនគណៈប្រតិភូ អំពីសភាពការណ៍សន្តិសុខសណ្តាប់ធ្នាប់សង្គម ការអភិវឌ្ឍក្នុងវិស័យវិនិយោគិនបរទេស មួយចំនួន ជូនគណៈប្រតិភូបានជ្រាបផងដែរ។
តាមការចុះផ្សាយក៏លើកឡើងដែរថាក្នុងឱកាស នោះស្នងការនគរបាលខេត្តព្រះសីហនុ និង លោកនាយករងមន្ទីរនគរបាលខេត្តគៀនយ៉ាង ប្តេជ្ញាយ៉ាងមុតមាំ ខិតខំថែរក្សាចំណងមិត្តភាព សាមគ្គីភាព រវាងប្រទេសទាំងពីរ និងបន្តកិច្ចសហប្រតិបត្តិការ ការពារសន្តិសុខ រក្សាសណ្តាប់ព្រំដែន នៃប្រទេសទាំងពីរ។
ដោយឡែកកាលពីថ្ងៃទី ០៥ ខែមេសា ស្នងការរងទទួលផែនភស្តុភារ និងហិរញ្ញវត្ថុនៃស្នងការខេត្តស្ទឹង ត្រែង លោក ស្រី សុវណ្ណា បានជួបសម្តែងការគួរសមជាមួយ លោក ដន គីវ មេបញ្ជាការរងយោធភូមិភាគទី៥ កងទ័ពប្រជាជនវៀតណាម ដែលអញ្ជើញមកជូនពរ ដល់ស្នងការដ្ឋាននគរបាលខេត្តស្ទឹងត្រែង។
តាមការចុះផ្សាយដដែលនារសៀលថ្ងៃទី៥ ខែមេសា ដដែលនោះ នៅអគ្គស្នងការនគរបាលជាតិ លោក នេត សាវឿន បានអនុញ្ញាតឲ្យគណៈប្រតិភូយោធភូមិភាគទី៧ នៃក្រសួងនគរបាលវៀតណាម ដឹកនាំដោយ លោក PHAM VAN DY មេបញ្ជាការយោធភូមិភាគទី៧ ចូលជួបពិភាក្សាការងារ និងជូនពរក្នុងឱកាសចូលឆ្នាំថ្មីប្រពៃណីជាតិខ្មែរ។
តាមការចុះផ្សាយដដែលនៅក្នុងជំនួបនោះ លោក នេត សាវឿន អគ្គស្នងការនគរបាលជាតិ បានសំដែងនូវការស្វាគមន៍ និងថ្លែងអំណរគុណដល់ មេបញ្ជាការយោធភូមិភាគទី៧ លោក PHAM VAN DY និងប្រតិភូអមដំណើរ ដែលជានិច្ចកាលតែងតែមកសួរសុខទុក្ខ និងជូនពរក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ។
ការចុះផ្សាយនោះបន្តលើកប្រសាសន៍លោក នេត សាវឿន ថាកម្ពុជា-វៀតណាម គឺជាប្រទេសជិតខាងគ្នា មានកិច្ចសហប្រតិបត្តិការល្អប្រសើរទាំងមិត្តភាព សាមគ្គីភាព ក៏ដូចជាការរួមគ្នាបង្ការ ទប់ស្កាត់ បទល្មើសនៅតាមខ្សែបន្ទាត់ព្រំដែន អំពើភេរវកម្ម និងឧក្រិដ្ឋឆ្លងដែន៕
លោក ហ៊ុន សែន គិតគូធ្វើច្បាប់ប្រឆាំងព័ត៌មានមិនពិត ស្របពេលដែលខ្លួនលោក ប្រើព័ត៌មានមិនពិតជាលេសបង្ក្រាបសំឡេងប្រឆាំង
ទោះបីជាលោក ហ៊ុន សែន កំពុងគិតគូ ឲ្យធ្វើច្បាប់ប្រឆាំងព័ត៌មានមិនពិត ដែលលោក សុខ ឥសាន អះអាងថា ដើម្បីទប់ទល់ការយល់ច្រឡំ ដែលនាំឲ្យប៉ះពាល់ដល់ទំនាក់ទំនងល្អរវាងប្រទេសកម្ពុជា និង វៀតណាម យ៉ាងណាក្តី គឺលោក ហ៊ុន សែន ខ្លួនឯងឯណោះទៅវិញទេ ដែលកំពុងប្រើប្រាស់ប្រព័ន្ធឃោសនារបស់លោក ក្នុងការផ្សព្វផ្សាយព័ត៌មានមិនពិត ដែលធ្វើឲ្យប៉ះពាល់ដល់ទំនាក់ទំនងល្អ រវាងប្រទេសកម្ពុជា និង សហរដ្ឋអាមេរិក និង កំពុងប្រើប្រាស់ព័ត៌មានមិនពិតទាំងនេះ ដើម្បីជាលេសក្នុងការបង្ក្រាបសំឡេងប្រឆាំង។ សារព័ត៌មាន The Nation ចេញផ្សាយកាលពីចុងឆ្នាំ ២០១៧ បានរយនាមប្រព័ន្ធឃោសរបស់លោក ហ៊ុន សែន ជាពិសេសសារព័ត៌មាន the Fresh News ដែលគេមើលឃើញថា ជាឧបករណ៍ផ្សាយព័ត៌មានមិនពិត ដូចជាការចោទប្រកាន់មន្រ្តីអាមេរិក និង សហរដ្ឋអាមេរិក ថាសមគំនិតគ្នាជាមួយមន្រ្តីបក្សប្រឆាំង ដើម្បីផ្តួលរំលំរបបលោក ហ៊ុន សែន ជាដើម។ សារព័ត៌មាន The Fresh News ដដែលនេះ ត្រូវបានអង្គការអ្នកកាសែតគ្មានព្រំដែន ចាត់ចំណាត់ថ្នាក់ថាជា “រោងចក្រផលិតព័ត៌មានមិនពិត” ក្នុងរបាយការណ៍កាលពីខែ កុម្ភៈ ឆ្នាំ ២០១៨។
ចំពោះការផ្សាយព័ត៌មានមិនពិតរបស់សារព័ត៌មានក្នុងស្រុក ដែលជាប្រព័ន្ធឃោសនារបស់លោក ហ៊ុន សែន នេះ លោក សុខ ឥសាន អះអាងថា ច្បាប់ថ្មីស្តីពីការបង្ក្រាបព័ត៌មានមិនពិតនេះ នឹងចាត់ការរាល់បុគ្គល និងអង្គភាពព័ត៌មានទាំងអស់ ដែលល្មើសច្បាប់៖ «ខ្ញុំយល់ថា ច្បាប់មិនសំដៅមុខព្រួញអនុវត្តលើបុគ្គលណាមួយទេ ពោលគឺ សំដៅជាទូទៅ ស្មើភាពគ្នាចំពោះមុខច្បាប់ទាំងអស់គ្នា មិនសំដៅថា ប្រភពមកពីខាងណា ហើយត្រូវតែទទួលខុសត្រូវចំពោះមុខច្បាប់ ហើយប្រភពខាងណេះ មិនទទួលខុសត្រូវចំពោះមុខច្បាប់ មិនអ៊ីចឹងទេ។ ខ្លឹមសារច្បាប់មានវិសាលភាពអនុវត្តន៍ គ្រប់មុខសញ្ញាទាំងអស់ ទាំងក្នុងប្រទេស ទាំងក្រៅប្រទេស ដែលចេញព័ត៌មានមកនោះ។ ឲ្យតែយើងមានភ័ស្តុតាង ចូលទៅក្នុងក្របខណ្ឌ ដែលមានចែងក្នុងច្បាប់ សុទ្ធតែមានការទទួលខុសត្រូវចំពោះមុខច្បាប់ដូចៗ គ្នា»។
ទោះបីជាលោក សុខ សាន អះអាងថា ការអនុវត្តច្បាប់ មានភាពស្មើភាពគ្នានៅកម្ពុជាយ៉ាងណាក្តី កន្លងមកចំណាត់ការលើសំឡេងប្រឆាំងរបបលោក ហ៊ុន សែន ច្រើនតែកើតមានលឿន និងមានប្រសិទ្ធភាពជាងចំណាត់ការលើអ្នក ដែលនៅក្រោមចំណុះរបបលោក៕
Sunday, March 11, 2018
ភរិយា លោក កែម ឡី អំពាវនាវឲ្យចូលរួមបាតុកម្មប្រឆាំង លោក ហ៊ុន សែន
បន្ទាប់ពីបានសិទ្ធិជ្រកកោននៅប្រទេសអូស្រ្តាលី ភរិយាលោកបណ្ឌិត
កែម ឡី គឺអ្នកស្រី ប៊ូ រចនា បានចេញមុខតាមបណ្តាញផ្សព្វផ្សាយ
ដោយអំពាវនាវឲ្យពលរដ្ឋខ្មែរនៅក្រៅប្រទេសចូលរួមធ្វើបាតុកម្ម
នៅពេលប្រមុខរដ្ឋាភិបាលកម្ពុជា លោក ហ៊ុន សែន
ទៅចូលរួមកិច្ចប្រជុំកំពូលអាស៊ាន-អូស្រ្តាលីនៅសប្តាហ៍ក្រោយនេះ។
ចំណែក លោក ហុង លីម តំណាងរាស្ត្រអូស្រ្តាលី
ដែលមានដើមកំណើតខ្មែរ បានអះអាងថា
នេះជាការលើកទឹកចិត្តឲ្យមានអ្នកចូលរួមបាតុកម្មកាន់តែច្រើន
ប៉ុន្តែរដ្ឋាភិបាលកម្ពុជា ឆ្លើយតបថា
វានៅតែគ្មានឥទ្ធិពលណាមួយមកលើខ្លួនដដែល។
វាជាលើកទី១ហើយ ដែលអ្នកស្រី ប៊ូ រចនា ភរិយា លោកបណ្ឌិត កែម ឡី
ចេញមុខអំពាវនាវឲ្យពលរដ្ឋខ្មែរនៅឯនាយសមុទ្រចូលរួមបាតុកម្មប្រឆាំងនឹងវត្តមានមេដឹកនាំកម្ពុជា។
ក្នុងវីដេអូដែលមានរយៈពេលតែ១៧វិនាទីដែលត្រូវបានផ្សព្វផ្សាយនាថ្ងៃអាទិត្យនេះ អ្នកស្រី ប៊ូ រចនា បានលើកដៃសំពះ ហើយអំពាវនាវឲ្យពលរដ្ឋខ្មែរនៅទីក្រុងស៊ីដនី ចូលរួមបាតុកម្មជាមួយលោកស្រី នៅថ្ងៃសុក្រនិងថ្ងៃសៅរ៍ចុងសប្តាហ៍ក្រោយនេះ។
ចំណែក លោក ហុង លីម តំណាងរាស្ត្រប្រចាំរដ្ឋវិចតូរីយ៉ា ប្រទេស អូស្រ្តាលី ដែលមានដើមកំណើតខ្មែរ បានអះអាងថា ការអំពាវនាវរបស់ភរិយា លោកកែម ឡី គឺជាការលើកទឹកចិត្តឲ្យមានអ្នកចូលរួមបាតុកម្មកាន់តែច្រើន មកពីបណ្តារដ្ឋនានានៅប្រទេសអូស្រ្តាលី។ លោក ហុង លីម ដែលតែងតែរិះគន់មិនសំចៃមាត់លើរដ្ឋាភិបាលកម្ពុជា បានគូសបញ្ជាក់បន្ថែមថា ពីដំបូងឡើយលោកមិនជឿថា អ្នកស្រី ប៊ូ រចនា មានទឹកចិត្តក្លាហានក្នុងការចេញមុខទាមទាររកយុត្តិធម៌ជួន លោក កែម ឡី យ៉ាងដូច្នេះឡើយ។
បើតាមលោក ហុង លីម បាតុកម្មរបស់ពលរដ្ឋខ្មែរ នឹងធ្វើឡើងនៅទីតាំងសំខាន់ៗ ដែលលោកហ៊ុន សែន ឆ្លងកាត់ និងស្នាក់នៅ ដូចជាសណ្ឋាគារ ភោជនីដ្ឋាន និងនៅមុខសាលាក្រុងស៊ីដនីជាដើម។
ក៏ប៉ុន្តែលោក សុខ ឥសាន អ្នកនាំពាក្យគណបក្សប្រជាជនកម្ពុជា បានទម្លាក់ការទទួលខុសត្រូវចំពោះការធ្វើបាតុកម្មប្រឆាំងនឹងវត្តមានលោកនាយករដ្ឋមន្រ្តី ហ៊ុន សែន នៅពេលចូលរួមកិច្ចប្រជុំកំពូលអាស៊ាន-អូស្រ្តាលី ទៅលើអាជ្ញាធររបស់ប្រទេសនេះតែម្តង។
បើតាមលោក សុខ ឥសាន ទោះបីជាមានការធ្វើបាតុកម្មក្នុងទ្រង់ទ្រាយធំយ៉ាងណាក៏ដោយ ក៏វាមិនមានឥទ្ធិពលអ្វីសោះឡើយមកលើការសម្រេចចិត្តរបស់រដ្ឋាភិបាលកម្ពុជា។ នោះគឺលោកនាយករដ្ឋមន្រ្តីច្បាស់ហើយថានឹងនៅតែទៅចូលរួមកិច្ចប្រជុំនៅទីនោះដោយសង្ឃឹមថានឹងមានអ្នកគាំទ្រលោកច្រើនជាងអ្នកធ្វើបាតុកម្មប្រឆាំងរូបលោក។
សូមបញ្ជាក់ដែរថា មិនមែនមានតែពលរដ្ឋខ្មែរនៅអូស្រ្តាលីទេ ដែលនឹងធ្វើបាតុកម្មប្រឆាំងនឹងវត្តមានមេដឹកនាំរបស់ខ្លួន។ ក្នុងពេលជាមួយគ្នា ប្រជាជនថៃនៅអូសស្រ្តាលី គ្រោងធ្វើបាតុកម្មប្រឆាំងនឹងនាយករដ្ឋមន្រ្តីប្រាយុទ្ធ ចាន់អូចា។ ចំណែកប្រជាជនហ្វីលីពីន នឹងធ្វើបាតុកម្មប្រឆាំងលោកប្រធានាធិបតី ឌុយទែ តេ។ ប៉ុន្តែលោក ឌុយទែ តេ បានលុបចោលដំណើរទស្សនៈនោះវិញ៕
ក្នុងវីដេអូដែលមានរយៈពេលតែ១៧វិនាទីដែលត្រូវបានផ្សព្វផ្សាយនាថ្ងៃអាទិត្យនេះ អ្នកស្រី ប៊ូ រចនា បានលើកដៃសំពះ ហើយអំពាវនាវឲ្យពលរដ្ឋខ្មែរនៅទីក្រុងស៊ីដនី ចូលរួមបាតុកម្មជាមួយលោកស្រី នៅថ្ងៃសុក្រនិងថ្ងៃសៅរ៍ចុងសប្តាហ៍ក្រោយនេះ។
ចំណែក លោក ហុង លីម តំណាងរាស្ត្រប្រចាំរដ្ឋវិចតូរីយ៉ា ប្រទេស អូស្រ្តាលី ដែលមានដើមកំណើតខ្មែរ បានអះអាងថា ការអំពាវនាវរបស់ភរិយា លោកកែម ឡី គឺជាការលើកទឹកចិត្តឲ្យមានអ្នកចូលរួមបាតុកម្មកាន់តែច្រើន មកពីបណ្តារដ្ឋនានានៅប្រទេសអូស្រ្តាលី។ លោក ហុង លីម ដែលតែងតែរិះគន់មិនសំចៃមាត់លើរដ្ឋាភិបាលកម្ពុជា បានគូសបញ្ជាក់បន្ថែមថា ពីដំបូងឡើយលោកមិនជឿថា អ្នកស្រី ប៊ូ រចនា មានទឹកចិត្តក្លាហានក្នុងការចេញមុខទាមទាររកយុត្តិធម៌ជួន លោក កែម ឡី យ៉ាងដូច្នេះឡើយ។
បើតាមលោក ហុង លីម បាតុកម្មរបស់ពលរដ្ឋខ្មែរ នឹងធ្វើឡើងនៅទីតាំងសំខាន់ៗ ដែលលោកហ៊ុន សែន ឆ្លងកាត់ និងស្នាក់នៅ ដូចជាសណ្ឋាគារ ភោជនីដ្ឋាន និងនៅមុខសាលាក្រុងស៊ីដនីជាដើម។
ក៏ប៉ុន្តែលោក សុខ ឥសាន អ្នកនាំពាក្យគណបក្សប្រជាជនកម្ពុជា បានទម្លាក់ការទទួលខុសត្រូវចំពោះការធ្វើបាតុកម្មប្រឆាំងនឹងវត្តមានលោកនាយករដ្ឋមន្រ្តី ហ៊ុន សែន នៅពេលចូលរួមកិច្ចប្រជុំកំពូលអាស៊ាន-អូស្រ្តាលី ទៅលើអាជ្ញាធររបស់ប្រទេសនេះតែម្តង។
បើតាមលោក សុខ ឥសាន ទោះបីជាមានការធ្វើបាតុកម្មក្នុងទ្រង់ទ្រាយធំយ៉ាងណាក៏ដោយ ក៏វាមិនមានឥទ្ធិពលអ្វីសោះឡើយមកលើការសម្រេចចិត្តរបស់រដ្ឋាភិបាលកម្ពុជា។ នោះគឺលោកនាយករដ្ឋមន្រ្តីច្បាស់ហើយថានឹងនៅតែទៅចូលរួមកិច្ចប្រជុំនៅទីនោះដោយសង្ឃឹមថានឹងមានអ្នកគាំទ្រលោកច្រើនជាងអ្នកធ្វើបាតុកម្មប្រឆាំងរូបលោក។
សូមបញ្ជាក់ដែរថា មិនមែនមានតែពលរដ្ឋខ្មែរនៅអូស្រ្តាលីទេ ដែលនឹងធ្វើបាតុកម្មប្រឆាំងនឹងវត្តមានមេដឹកនាំរបស់ខ្លួន។ ក្នុងពេលជាមួយគ្នា ប្រជាជនថៃនៅអូសស្រ្តាលី គ្រោងធ្វើបាតុកម្មប្រឆាំងនឹងនាយករដ្ឋមន្រ្តីប្រាយុទ្ធ ចាន់អូចា។ ចំណែកប្រជាជនហ្វីលីពីន នឹងធ្វើបាតុកម្មប្រឆាំងលោកប្រធានាធិបតី ឌុយទែ តេ។ ប៉ុន្តែលោក ឌុយទែ តេ បានលុបចោលដំណើរទស្សនៈនោះវិញ៕
លោក សុខ ឥសាន៖ តុលាការកាត់ក្តីផ្អែកលើអំណាចពលរដ្ឋ
ក្នុងកិច្ចពិភាក្សាស្តីពីដំណើរការប្រជាធិបតេយ្យ ដែលរៀបចំឡើងដោយ រាជបណ្ឌិត្យសភា កាលពីម្សិលមិញលោក សុខ ឥសានលើកឡើងថា ប្រជាធិបតេយ្យផ្អែកដំណើរការអំណាច បីគឺ នីតិបញ្ញតិ្ត នីតិប្រតិបត្តិ និងអំណាចតុលាការ។
ពាក់ព័ន្ធដំណើរការតុលាការលោកថា រាល់ការកាត់ក្តីគឺផ្អែកទាំងស្រុងលើអំណាចពលរដ្ឋ។
លោកលើកឡើងថា៖«ចៅក្រមកាត់ក្តីមិនមែនផ្អែកលើចិត្តខ្លួនឯងទេគឺត្រូវតែផ្អែកលើ អំណាច ពលរដ្ឋ ការកាត់សេចក្តីរឿងអីមួយគឺត្រូវតែតាមអំណាចពលរដ្ឋហ្នឹង បញ្ជាគាត់ឲ្យកាត់»។
លោកសុខ ឥសានក៏បានរំឭកថា បច្ចុប្បន្នមានស្ថាប័នពីរទៀតដែលជួយធានាពីការអនុវត្ត បានត្រឹមត្រូវរបស់ស្ថាប័នតុលាការគឺ ក្រុមប្រឹក្សាធម្មនុញ្ញ និងឧត្តមក្រុមប្រឹក្សានៃអង្គចៅក្រម ។
មន្ត្រីជាន់ខ្ពស់របស់គណបក្សកាន់អំណាចរូបនេះ ក៏បានលើកឡើងការពារចំពោះការចោទ ប្រកាន់ថា តុលាការបច្ចុប្បន្នកំពុងកាត់ក្តីដោយលម្អៀង។
លោកថ្លែងថា៖«កន្លងទៅមានការចោទប្រកាន់ថា តុលាការមានភាពអយុត្តិធម៌ណាស់។ ប៉ុន្តែ ខ្ញុំថា នេះជាការយល់ឃើញថា ជាសិទ្ធិបញ្ចេញមតិក៏ប៉ុន្តែឲ្យតុលាការងាកទៅខាងណា? អ្នកឈ្នះក្តីថា តុលាការល្អណាស់ ឯកភាពហើយតុលាការយុត្តិធម៌ណាស់ ក៏ប៉ុន្តែអ្នកចាញ់ក្តីថា តុលាការ អយុត្តិធម៌ណាស់។ តើឲ្យងាកទៅខាងណា? ខ្ញុំយល់ថា បើយកសម្តេចសង្ឃមកធ្វើ ជាប្រធាន តុលាការក៏នៅតែដូចគ្នាចឹងដែរ។ អ្នកចាញ់ថា សម្តេចសង្ឃអយុត្តិធម៌ អ្នកឈ្នះថា សម្តេច សង្ឃយុត្តិធម៌។ បញ្ហាសំខាន់គោលការណ៍ច្បាប់»។
នៅក្នុងសប្តាហ៍នេះ អ្នករាយការណ៍ពិសេសអង្គការសហប្រជាជាតិលោកស្រី រ៉ូណាស្មីត បានថ្លែង ក្តីបារម្ភប្រាប់ទៅរដ្ឋមន្ត្រីក្រសួងយុត្តិធម៌ និងប្រធានគណៈកម្មាធិការសិទ្ធិមនុស្ស របស់រដ្ឋាភិបាលកម្ពុជាថា ការបង្កើតច្បាប់និង អនុវតន៍ច្បាប់ថ្មីៗកំពុង ប៉ះពាល់ការរំលោភ សិទ្ធិមនុស្ស។
Tuesday, March 6, 2018
លោកស្រី រ៉ូណាស្មីត លើកឡើងពីការព្រួយបារម្ភពីសិទ្ធិបញ្ចេញមតិនៅកម្ពុជាទៅកាន់រដ្ឋមន្ត្រីក្រសួងយុត្តិធម៌
លោកស្រី រ៉ូណាស្មីត
អ្នករាយការណ៍ពិសេសរបស់អង្គការសហប្រជាជាតិទទួលបន្ទុកខាងសិទ្ធិមនុស្សប្រចាំនៅកម្ពុជា
កំពុងបំពេញទស្សនកិច្ចរយៈពេល១០ថ្ងៃនៅកម្ពុជាចាប់តាំងពីថ្ងៃចន្ទដើមសប្តាហ៍នេះមក។
នៅថ្ងៃនេះ
លោកស្រីបានជួបជាមួយរដ្ឋមន្ត្រីក្រសួងយុត្តិធម៌កម្ពុជា
ដោយបានបង្ហាញការព្រួយបារម្ភពីវិសោធនកម្មច្បាប់រដ្ឋធម្មនុញ្ញ
និងវិសោធនកម្មក្រមព្រហ្មទណ្ឌថ្មីថា
គឺជាការរិតត្បិតសិទ្ធិសេរីភាពនៃការបញ្ចេញមតិនៅកម្ពុជា។
ប៉ុន្តែក្រសួងយុត្តិធម៌បានពន្យល់ត្រលប់ទៅវិញថា
ការលើកឡើងរបស់លោកស្រីធ្វើឡើងតាមរបាយការណ៍របស់បក្សប្រឆាំងប៉ុណ្ណោះ។
បញ្ហាសិទ្ធិសេរីភាពនៃការបញ្ចេញមតិនៅកម្ពុជា
គឺជារបៀបវារៈសំខាន់មួយក្នុងចំណោមរបៀបវារៈមួយចំនួនទៀត
ដែលត្រូវបានលើកឡើងដោយអ្នករាយការណ៍ពិសេសរបស់អង្គការសហប្រជាជាតិទទួលបន្ទុកសិទ្ធិមនុស្សប្រចាំនៅកម្ពុជា
លោកស្រី រ៉ូណាស្មីត
នៅក្នុងជំនួបជាមួយរដ្ឋមន្ត្រីក្រសួងយុត្តិធម៌កម្ពុជា លោកអង្គ
វង្សវឌ្ឍនា កាលពីព្រឹកថ្ងៃ អង្គារ ទី៦ មីនា។
បើតាមការឲ្យដឹងពីកិច្ចប្រជុំកាលពីព្រឹកថ្ងៃអង្គារ
លោកស្រី រ៉ូណាស្មីត
បានលើកឡើងពីក្តីព្រួយបារម្ភចំពោះប្រទេសកម្ពុជា
បន្ទាប់ពីបានធ្វើវិសោធនកម្មច្បាប់រដ្ឋធម្មនុញ្ញ
និងវិសោធនកម្មក្រមព្រហ្មទណ្ឌនៃព្រះរាជាណាចក្រកម្ពុជា
ដែលលោកស្រីបានចាត់ទុកថា
គឺជាការរិតត្បិតសិទ្ធិសេរីភាពនៃការបញ្ចេញមតិនៅកម្ពុជា។
ប៉ុន្តែអ្នកនាំពាក្យក្រសួងយុត្តិធម៌ លោក ជិន ម៉ាលីន បានចាត់ទុកថា
ការលើកឡើងរបស់លោកស្រី គឺផ្អែកលើរបាយការណ៍ពីក្រុមប្រឆាំង
ហើយចាំបាច់ក្រសួងយុត្តិធម៌បានពន្យល់ទៅកាន់លោកស្រីវិញភ្លាមៗដែរ។
សូមបញ្ជាក់ថា លោកស្រី
រ៉ូណាស្មីតអ្នករាយការណ៍ពិសេសរបស់អង្គការសហប្រជាជាតិទទួលបន្ទុកសិទ្ធិមនុស្សប្រចាំនៅកម្ពុជា
បានចាប់ផ្តើមបំពេញទស្សនកិច្ចនៅកម្ពុជាជាថ្មីចាប់តាំងពីថ្ងៃចន្ទ
ទី៥ មីនាមក
ដើម្បីពិនិត្យមើលឡើងវិញពីស្ថានភាពសិទ្ធិមនុស្សនៅកម្ពុជានិងអនុសាសន៍របស់លោកស្រី
ដែលបានដាក់ជូនរដ្ឋាភិបាលកាលពីឆ្នាំ២០១៧ ។
ក្នុងអំឡុងពេលទស្សនកិច្ចរយៈពេល ១០ ថ្ងៃនេះ អ្នកជំនាញរូបនេះ
គ្រោងជួបប្រជុំជាមួយមន្ត្រី ជាន់ខ្ពស់របស់រដ្ឋាភិបាល
តំណាងសង្គមស៊ីវិល និងសមាជិកសហគមន៍ការទូតនានា។
នេះបើតាមសេចក្តីប្រកាសរបស់អ្នកនាំពាក្យរបស់លោកស្រី។
ក្រៅពីបញ្ហាសិទ្ធិបញ្ចេញមតិនេះ
ភាគីរបស់អ្នកស្រីរ៉ូណាស្មីត
ក៏បានបង្ហាញការគាំទ្រចំពោះប្រទេសកម្ពុជា
ដែលបានឆ្លងកាត់ដំណាក់កាលដំបូង លើសេចក្តីព្រាងច្បាប់ស្តីពី
«ពរពោះជំនួស» ក្រោមជំនួយគាំទ្រប្រឹក្សាយោបល់របស់អង្គការសហប្រជាជាតិ
(អ.ស.ប )។ បើតាមលោក ជីន ម៉ាលីន អ្នកនាំពាក្យក្រសួងយុត្តិធម៌ថា
លោកស្រីរ៉ូ ណាស្មីត
បានសន្យាជួយដល់កម្ពុជាក្នុងការធ្វើសេចក្តីព្រាងច្បាប់ស្តីពីការពរពោះជំនួសនេះបន្តទៀត៕
Monday, February 12, 2018
ក្រុមមេធាវីគ្រោងស្នើសុំតុលាការនាំយកលោក កឹម សុខា ទៅព្យាបាលជំងឺ
លោក កឹម សុខា
ប្រធានអតីតគណបក្សសង្រ្គោះជាតិដែលកំពុងជាប់ឃុំនៅក្នុងពន្ធនាគារត្រពាំងផ្លុងកំពុងហ៊ុមព័ន្ធដោយជំងឺផ្សេងៗ
ហើយកំពុងត្រូវបានតាមដាន
និងព្យាបាលពីសំណាក់គ្រូពេទ្យប្រចាំនៅពន្ធនាគារ។
ក៏ប៉ុន្តែការតាមដាននិងព្យាបាលនេះ ក្រុមមេធាវីលោក កឹម សុខា
បានអះអាងនៅព្រឹកថ្ងៃចន្ទនេះថា
មិនទាន់គ្រប់គ្រាន់ដែលធានាឲ្យលោក កឹម សុខា
មានសុខភាពល្អឡើងវិញឡើយ។
ដូច្នេះក្រុមមេធាវីគ្រោងនឹងដាក់លិខិតស្នើសុំទៅកាន់ចៅក្រមស៊ើបសួរតុលាការក្រុងភ្នំពេញ
ដើម្បីនាំយកលោក កឹម សុខា ទៅព្យាបាលនៅមន្ទីរពេទ្យវិញ។
សហមេធាវីម្នាក់របស់លោក កឹម សុខា គឺលោក ផែង ហេង បានអះអាងថា
នៅពេលនេះ លោក កឹម សុខា កំពុងមានជំងឺខ្វះជាតិស្ករ
សំពាធឈាមឡើងខ្ពស់ ហើយជាពិសេសនោះ
គឺលោកកំពុងរងនូវការឈឺចាប់ដោយជំងឺគាបសរសៃនៅស្មាខាងឆ្វេង
ដែលធ្វើឲ្យលោកសម្រាកមិនសូវបានដូចមុន។ តាមលោកមេធាវី ផែង ហេង
ជំងឺគាបសរសៃនៅស្មាខាងឆ្វេងរបស់លោក កឹម សុខានេះ
គឺធ្លាប់ត្រូវបានក្រុមគ្រូពេទ្យជំនាញតម្រូវឲ្យលោកវះកាត់ម្តងរួចមកហើយតាំងតែពីលោកមិនទាន់ត្រូវបានចាប់ឃុំខ្លួនមកម្ល៉េះ
តែកាលណោះលោកបានខកខាន។ ដូច្នេះហើយទើបពេលនេះ
វាបង្កការឈឺចាប់ដែលតម្រូវឲ្យមានការវះកាត់។
ដើម្បីដោះស្រាយបញ្ហានេះ លោកមេធាវី ផែង ហេង បានបញ្ជាក់ថា ក្រុមមេធាវីនឹងរៀបចំលិខិតស្នើសុំផ្លូវការមួយទៅកាន់ចៅក្រមស៊ើបសួរសាលាដំបូងរាជធានីភ្នំពេញ ដើម្បីនាំយកលោក កឹម សុខា ទៅទទួលការព្យាបាលជំងឺពីសំណាក់ក្រុមគ្រូពេទ្យជំនាញ។ ក៏ប៉ុន្តែលោកមេធាវី មិនបានបង្ហាញឲ្យជាក់លាក់ទេ ថាតើនឹងដាក់ទៅកាន់តុលាការនៅពេលណាមួយនោះ តែគ្រាន់តែថានឹងធ្វើក្នុងពេលឆាប់ៗខាងមុខនេះ។
លោក សុខ ឥសាន អ្នកនាំគណបក្សកាន់អំណាចបានចាត់ទុកការអះអាងរបស់ក្រុមមេធាវី លោក កឹម សុខា នេះថា ជាវោហារសាស្ត្រនយោបាយចង់បានការដោះលែងកូនក្តីរបស់ខ្លួនឲ្យនៅក្រៅឃុំតែប៉ុណ្ណោះ ។ តាមអ្នកនាំពាក្យរូបនេះ មេធាវីបានចាប់អារម្មណ៍ពីអាយុជីវិតរបស់កូនក្តី តែមេធាវីមិនបានគិតពីអាយុជីវិតរបស់ប្រជាជនកម្ពុជាដែលមិនដឹងជាប៉ុន្មាននាក់ត្រូវបាត់បង់ បើសិនណាជាអំពើឃុបឃិតជាមួយបរទេសចង់នាំមកនូវគ្រោះមហន្តរាយដូចពីអតីតកាលមកដាក់នៅកម្ពុជាជាថ្មីនោះ។ លោក សុខ ឥសាន ថែមទាំងប្រៀបធៀបអាយុជីវិតរបស់ កឹម សុខា ជាមួយអាយុជីវិតរបស់ប្រជាជនកម្ពុជាដោយគូសបញ្ជាក់ថាខុសគ្នាឆ្ងាយណាស់។ ដូច្នេះសម្រាប់លោក សុខ ឥសាន សុំកុំយកអាយុជីវិតលោក កឹម សុខា ម្នាក់មកដាក់ពីលើអាយុជីវិតរបស់ប្រជាជនកម្ពុជាអី វាមិនបានសម្រេចតាមចិត្តចង់នោះទេ ។
សម្រាប់លោកមេធាវី ផែង ហេងវិញ គម្រោងស្នើសុំនេះ មិនមែនចង់ឲ្យមានការដោះលែងលោក កឹម សុខា នោះទេ តែជាការនាំទៅព្យាបាលជំងឺដែលកំពុងកើតមានជាក់ស្តែងលើលោក កឹម សុខា។ មេធាវីដែលតែងតែចូលទៅជួបលោកកឹម សុខាញឹកញាប់រូបនេះ លើកឡើងថា ការនាំយកលោក កឹម សុខា ទៅព្យាបាលជំងឺនេះមិនប៉ះពាល់ដល់ដំណើរការនីតីវិធីលើសំណុំរឿងលោក កឹម សុខា ឡើយ ហើយថា នៅពេលណាដែលលោក កឹម សុខា ទទួលបានការព្យាបាលរួចហើយនោះ គឺអាចនាំយកលោក កឹម សុខា មកបន្តឃុំខ្លួននៅក្នុងពន្ធនាគារវិញបាន៕
ដើម្បីដោះស្រាយបញ្ហានេះ លោកមេធាវី ផែង ហេង បានបញ្ជាក់ថា ក្រុមមេធាវីនឹងរៀបចំលិខិតស្នើសុំផ្លូវការមួយទៅកាន់ចៅក្រមស៊ើបសួរសាលាដំបូងរាជធានីភ្នំពេញ ដើម្បីនាំយកលោក កឹម សុខា ទៅទទួលការព្យាបាលជំងឺពីសំណាក់ក្រុមគ្រូពេទ្យជំនាញ។ ក៏ប៉ុន្តែលោកមេធាវី មិនបានបង្ហាញឲ្យជាក់លាក់ទេ ថាតើនឹងដាក់ទៅកាន់តុលាការនៅពេលណាមួយនោះ តែគ្រាន់តែថានឹងធ្វើក្នុងពេលឆាប់ៗខាងមុខនេះ។
លោក សុខ ឥសាន អ្នកនាំគណបក្សកាន់អំណាចបានចាត់ទុកការអះអាងរបស់ក្រុមមេធាវី លោក កឹម សុខា នេះថា ជាវោហារសាស្ត្រនយោបាយចង់បានការដោះលែងកូនក្តីរបស់ខ្លួនឲ្យនៅក្រៅឃុំតែប៉ុណ្ណោះ ។ តាមអ្នកនាំពាក្យរូបនេះ មេធាវីបានចាប់អារម្មណ៍ពីអាយុជីវិតរបស់កូនក្តី តែមេធាវីមិនបានគិតពីអាយុជីវិតរបស់ប្រជាជនកម្ពុជាដែលមិនដឹងជាប៉ុន្មាននាក់ត្រូវបាត់បង់ បើសិនណាជាអំពើឃុបឃិតជាមួយបរទេសចង់នាំមកនូវគ្រោះមហន្តរាយដូចពីអតីតកាលមកដាក់នៅកម្ពុជាជាថ្មីនោះ។ លោក សុខ ឥសាន ថែមទាំងប្រៀបធៀបអាយុជីវិតរបស់ កឹម សុខា ជាមួយអាយុជីវិតរបស់ប្រជាជនកម្ពុជាដោយគូសបញ្ជាក់ថាខុសគ្នាឆ្ងាយណាស់។ ដូច្នេះសម្រាប់លោក សុខ ឥសាន សុំកុំយកអាយុជីវិតលោក កឹម សុខា ម្នាក់មកដាក់ពីលើអាយុជីវិតរបស់ប្រជាជនកម្ពុជាអី វាមិនបានសម្រេចតាមចិត្តចង់នោះទេ ។
សម្រាប់លោកមេធាវី ផែង ហេងវិញ គម្រោងស្នើសុំនេះ មិនមែនចង់ឲ្យមានការដោះលែងលោក កឹម សុខា នោះទេ តែជាការនាំទៅព្យាបាលជំងឺដែលកំពុងកើតមានជាក់ស្តែងលើលោក កឹម សុខា។ មេធាវីដែលតែងតែចូលទៅជួបលោកកឹម សុខាញឹកញាប់រូបនេះ លើកឡើងថា ការនាំយកលោក កឹម សុខា ទៅព្យាបាលជំងឺនេះមិនប៉ះពាល់ដល់ដំណើរការនីតីវិធីលើសំណុំរឿងលោក កឹម សុខា ឡើយ ហើយថា នៅពេលណាដែលលោក កឹម សុខា ទទួលបានការព្យាបាលរួចហើយនោះ គឺអាចនាំយកលោក កឹម សុខា មកបន្តឃុំខ្លួននៅក្នុងពន្ធនាគារវិញបាន៕
លោក សម រង្ស៊ី៖ ហ៊ុន សែន អើយ! ឈប់ឆ្កួតទៅ!
លោក សម រង្ស៊ី បានប្រតិកម្មបែបនេះនៅលើទំព័រហ្វេសប៊ុកផ្លូវការរបស់លោកនៅថ្ងៃនេះ ជាងមួយសប្ដាហ៍បន្ទាប់ពីលោក ហ៊ុន សែន បានចោទគូប្រជែងនយោបាយរបស់លោកថា ជា«មេភេរវករ»ដ៏ធំ ដែលមានចេតនាបង្កអសន្តិសុខដល់កម្ពុជា។
លោក ហ៊ុន សែន ថ្លែងក្នុងជំនួបជាមួយកម្មករ-កម្មការិនីកាលពីថ្ងៃទី០១កុម្ភៈថា៖ «ហើយខ្ញុំសូមផ្ដាំកុំមកអាស៊ីឲ្យសោះ! សូមកុំមកក្បែរអាស៊ី! បើអ្នកឯងតាំងខ្លួនជាភេរវករហើយ ខ្ញុំនឹងតាមយកអ្នកឯងទាល់តែបាន។ ឥឡូវនេះ គេកំពុងប្រកាសខ្លួនជាមេភេរវករហើយ មិនមែនត្រឹមតែជាអង្គការក្រៅច្បាប់ ប៉ុន្តែ ជាភេរវករតែម្ដង ជាអង្គការភេរវកម្ម»។
ជាប្រតិកម្មតបទៅវិញ លោក សម រង្ស៊ី ដែលកំពុងរស់នៅនិរទេសខ្លួនឯងនៅឯក្រៅប្រទេសដើម្បីគេចចេញពីបណ្ដឹងជាច្រើននៅតុលាការកម្ពុជានោះ បានបញ្ជាក់ថា លោកមិនមែនជា «ភេរវករ» និងជា «ឧទ្ទាម»ទេ។
លោក សម រង្ស៊ី រៀបរាប់ថា៖ «ហ៊ុន សែន អើយ! ឈប់ឆ្កួតទៅ! បើខ្ញុំជាភេរវករ និងជាឧទ្ទាមមែន ដូចលោកឯងថានោះ មិនមែនប្រជាពលរដ្ឋខ្មែរគ្រប់មជ្ឈដ្ឋាន អបអរសាទរវត្តមានខ្ញុំនៅគ្រប់ទីកន្លែង ជាពិសេស នៅតាមវត្តអារាមខ្មែរទូទាំងពិភពលោក ហើយក៏មិនមែនឥស្សរជនជាន់ខ្ពស់នៅគ្រប់ប្រទេសជាមិត្ត ដែលខ្ញុំទៅធ្វើទស្សនកិច្ច គេផ្តល់ការលើកទឹកចិត្តឲ្យខ្ញុំក្នុងការតស៊ូ ដើម្បីនាំមកនូវលទ្ធិប្រជាធិបតេយ្យនៅកម្ពុជា»។
លោក សម រង្ស៊ី បានចោទលោក ហ៊ុន សែន វិញថា ជា«ភេរវករ» និងជា«ឧក្រិដ្ឋជនក្បត់ជាតិ» ដោយថា បានសម្លាប់មនុស្សជាច្រើនក្នុងប្រព័ន្ធរដ្ឋមួយដែលលោក សម រង្ស៊ី ហៅថា «ព្រៃផ្សៃ»។
លោក ហ៊ុន សែន បានចោទគូប្រជែងនយោបាយរបសើលោកថាជា «ភេរវករ» បន្ទាប់ពីលោក សម រង្ស៊ី បានប្រកាសបង្កើតចលនាសង្គ្រោះជាតិនៅឯសហរដ្ឋអាមេរិក កាលពីចុងខែមករាកន្លងមក ក្រោយពីគណបក្សសង្គ្រោះជាតិត្រូវបានតុលាការកំពូលសម្រេចរំលាយចោលកាលពីពាក់កណ្ដាលខែវិច្ឆិកាឆ្នាំមុន។
អង្គការឃ្លាំមើលសិទ្ធិមនុស្សអន្តរជាតិ ឬ Human Rights Watch បាននិយាយក្នុងរបាយការណ៍របស់ខ្លួនកាលពីដើមឆ្នាំ២០១៥ថា នៅក្នុងរយៈពេល ៣ទសវត្សរ៍ លោក ហ៊ុន សែន បានប្រើប្រាស់អំពើហិង្សានយោបាយ ការបង្ក្រាប និងអំពើពុករលួយ ដើម្បីរក្សាអំណាច៕
Friday, February 2, 2018
លោក ហ៊ុន សែន ព្រមានដាក់ទណ្ឌកម្មត្រលប់លើប្រទេសដាក់សម្ពាធកម្ពុជា
ក្នុងពិធីចែកសញ្ញាបត្រដល់និសិត្សវិទ្យាស្ថានបច្ចេកវិទ្យាកម្ពុជាកាលពីថ្ងៃម្សិលមិញនេះ លោកនាយករដ្ឋមន្ដ្រី ហ៊ុន សែន បានថ្លែងថា ក្នុងក្របខ័ណ្ឌនៃច្បាប់ពាណិជ្ជកម្មអន្ដរជាតិ ការនាំចេញ និងនាំចូលទំនិញ ត្រូវបង់បន្ធដូចគ្នា ដើម្បីទទួលបានផលប្រយោជន៍ទៅវិញទៅមក។
លោកថ្លែងទៀតថា ប្រសិនបើប្រទេសណាមិនចង់ទទួលយកទំនិញពីកម្ពុជានោះ លោកថា កម្ពុជា ក៏នឹងបិទមិនទទួលយកទំនិញពីប្រទេសនោះដូចគ្នា។
លោកថា៖ «អ្នកឯងអាចវាយពន្ធទៅលើទំនិញរបស់ខ្ញុំ ខ្ញុំក៏វាយពន្ធទៅលើទំនិញរបស់អ្នកឯង អាឡូវសុំសង្កេតមើលទូរទស្សន៍របស់កម្ពុជារាល់ថ្ងៃ ក្រុមហ៊ុនឧបត្ថម្ភធំៗសម្រាប់វាយគ្នា ឬប្រឡងបវរកញ្ញា ផលិតផលហ្នឹង ផលិតផលអ្នកណា ទេ បើឯងឈប់ឲ្យខ្ញុំនាំចូល ខ្ញុំក៏ឈប់ឲ្យអ្នកឯងអ្នកនាំចូលវិញដែរ»។
ទោះយ៉ាងណា ការថ្លែងរបស់លោក ហ៊ុន សែន មិនបានបញ្ជាក់ចំឈ្មោះប្រទេសណាជាក់លាក់ នោះទេ។ ក្នុងឱកាសនោះលោក ហ៊ុន សែន ក៏បានស្តីបន្ទោសលោក សម រង្ស៊ី ដែលកំពុងធ្វើយុទ្ធនាការនៅក្រៅប្រទេសឲ្យមានការដាក់សម្ពាធលើរដ្ឋាភិបាលកម្ពុជា។
លោកថា៖ «អាអ្នករត់ចោលស្រុក សម្ពាធៗ អើអញ្ជើញមក សម្ពាធ វាត្រូវក្បាល ហ៊ុន សែនហើយ»។
អ្នកវិភាគនយោបាយ លោក អ៊ូ វីរៈ វិភាគថា ចលនាសង្គ្រោះជាតិរបស់លោក សម រង្ស៊ី គ្រាន់ជាសំឡេងទូងស្គរដាស់អារម្មណ៍នៃសេរីភាពបញ្ចេញមតិ និងជំរុញឲ្យមានសំពាធខ្លះមកលើរដ្ឋាភិបាលប៉ុណ្ណោះ។
លោកថា៖ «គាត់ដើរតវ៉ានៅលើឆាកអន្តរជាតិ វាតែងតែមានសម្ពាធដល់រដ្ឋាភិបាល និងគណបក្សប្រជាជនកម្ពុជាហើយ។ អាហ្នឹងធម្មតាទេ ក្នុងរូបភាពចលនាហ្នឹងក៏ដោយ ឬមួយក្នុងរូបភាពគាត់ផ្ទាល់ក៏ដោយ ក្នុងរូបភាពដែលគាត់ប្រកាសពីមុនមកក៏ដោយក៏ដូចតែគ្នាដែរ។ អញ្ចឹង ចលនាហ្នឹងជារូបភាពអន្តរជាតិមិនដូរទេ ឬមួយមិនខុសពីមុនទេ»។
កន្លងទៅ សហភាពអឺរ៉ុប និងសហរដ្ឋអាមេរិក ក៏បានព្រមានដាក់ទណ្ឌកម្មការទូត និងព្រមានលុបចោលប្រព័ន្ធអនុគ្រោះពន្ធដល់កម្ពុជាផងដែរ ដោយថា រដ្ឋាភិបាលលោក ហ៊ុន សែន បានរំលោភសិទ្ធិពលរដ្ឋ និងដឹកនាំប្រទេសឆ្ពោះទៅរករបបផ្ដាច់ការ បន្ទាប់ពីតុលាការកំពូលរំលាយគណបក្សសង្គ្រោះជាតិ ការបន្ដឃុំខ្លួនលោក កឹម សុខា និងការយាយីក្រុមអង្គការសង្គមស៊ីវិល និងបណ្ដាញព័ត៌មានឯករាជ្យ។
អ្នកជំនាញផ្នែកសេដ្ឋកិច្ច លោក យ៉ង់ ប៉ាក់ ពន្យល់ថា បើអឺរ៉ុបដាក់ទណ្ឌកម្មមែន រយៈពេលខ្លី កម្ពុជានឹងទទួលផលប៉ះពាល់ខ្លាំង។ ប៉ុន្ដែ សម្រាប់រយៈពេលវែង លោកថា កម្ពុជានៅតែអាចទ្រទ្រង់សេដ្ឋកិច្ចរបស់ខ្លួនឡើងវិញតាមរយៈការងាកមកជំរុញវិស័យកសិកម្ម។
លោកថា៖«បើសិនជាមានរឿងហ្នឹងកើតឡើង រយៈពេលខ្លី គឺប៉ះពាល់ខ្លាំង ខ្ញុំគិតថា រដ្ឋាភិបាលបានគិតគូររឿងហ្នឹង រដ្ឋាភិបាលបានត្រៀមចេញពីវស័យវាយនភ័ណ្ឌមកវិស័យកសិកម្ម បើយើងផ្ដោតទៅវិស័យកសិកម្មវិញ យើងមិនជារងគំនាបខ្លាំងទេ ប៉ុន្ដែ បើរយៈពេលខ្លី ប្រហែលជាប៉ះពាល់ខ្លាំង»។
កាលពីថ្ងៃទី២៤ខែមករាកន្លងទៅនេះ ក្រុមសមាជិកព្រឹទ្ធសភាអាមេរិកចំនួន៨រូប បានសរសេរលិខិតមួយ ផ្ញើទៅតំណាងរបស់ពួកគេប្រចាំនៅអង្គការសហប្រជាជាតិ ដោយស្នើឲ្យបន្ថែមសំពាធលើរដ្ឋាភិបាលលោក ហ៊ុន សែន និងធ្វើឲ្យកម្ពុជាក្លាយជាប្រទេសឯកោ៕
កងទ័ពកម្ពុជា-ចិននឹងធ្វើសមយុទ្ធនាគមាសឆ្នាំ២០១៨ នៅខែមីនាក្នុងខេត្តកំពង់ស្ពឺ
អគ្គមេបញ្ជាការរងនៃកងយោធពលខេមរភូមិន្ទ លោក ឥត សារ៉ាត់ ថ្លែងប្រាប់អ្នកសារព័ត៌មានថា សមយុទ្ធយោធានាគមាស ឆ្នាំ២០១៨នេះ ភាគីកម្ពុជា មានកងទ័ពចំនួន ២៨០នាក់ ចំណែកភាគីចិន មានចំនួន ១៩០នាក់។ លោកថា សមយុទ្ធនេះមានប្រធានបទចំនួនពីរ គឺប្រឆាំងភេរវកម្ម និងមនុស្សធម៌។ គោលបំណងនៃសមយុទ្ធយោធានេះ ដើម្បីអបអរសាទរខួប ៦០ឆ្នាំ នៃទំនាក់ទំនងការទូតនៃប្រទេសទាំងពីរ និងផ្ដល់បទពិសោធន៍ល្អៗ ឲ្យគ្នាទៅវិញទៅមក។
លោក ឥត សារ៉ាត់ បានបញ្ជាក់ថា សមយុទ្ធយោធាឆ្នាំនេះនឹងប្រើប្រាស់សព្វាវុធទំនើបៗដូចជា យន្តហោះ Z10 បំពាក់កាំជ្រួចបាញ់ចំគោលដៅ កាំភ្លើងត្បាល់ចូលគោលដៅដែលបានកំណត់ ប្រើប្រាស់រថពាសដែក ថ្មើរជើង និងប្រើប្រាស់យន្តហោះចុះពីលើអាកាស ដើម្បីរំដោះចំណាត់ខ្មាំងផងដែរ។
ទំនាក់ទំនងរវាងរដ្ឋាភិបាលកម្ពុជា និងគណបក្សកុម្មុយនិស្តចិន គឺកាន់តែរីកដុះដាលយ៉ាងឆាប់រហ័សនៅពេលដែលចិន កាលពីពេលថ្មីៗនេះ បានផ្ដល់លុយកាក់ និងបានគាំទ្ររដ្ឋាភិបាលលោក ហ៊ុន សែន ក្នុងរឿងរំលាយបក្សប្រឆាំងដ៏ធំនៅកម្ពុជា និងចាប់ខ្លួនលោក កឹម សុខា ជាដើម។ អ្នកវិភាគមើលឃើញថា ការគាំទ្ររបស់ចិន ជាច្រើន រួមទាំងការហ្វឹកហ្វឺនយោធានេះ គឺជាថ្នូរនឹងការគាំទ្ររបស់កម្ពុជា នៅក្នុងជម្លោះសមុទ្រចិនខាងត្បូង។ ទន្ទឹមគ្នានេះ វាក៏បានធ្វើឲ្យកម្ពុជា ខ្វែងគំនិតជាមួយសហរដ្ឋអាមេរិក ហើយកម្ពុជា ក៏បានផ្អាកសមយុទ្ធយោធាឆ្មាំអង្គរ ដែលកម្ពុជា បានធ្វើរួមគ្នាជាមួយអាមេរិកអស់រយៈពេល ៧ឆ្នាំកន្លងមកហើយ៕
តើលោក កឹម សុខា និងសកម្មជនជាប់ឃុំជាចំណាប់ខ្មាំងនយោបាយរបស់លោក ហ៊ុន សែន រហូតឬយ៉ាងណា?
មួយវិញទៀត ការសម្រេចបន្តឃុំខ្លួន លោក កឹម សុខា របស់សាលាឧទ្ធរណ៍កាលពីថ្ងៃទី១ ខែកុម្ភៈ នោះ មិនមែនជារឿងចម្លែកអ្វីទេ ទោះបីជាក្រុមមេធាវីរបស់លោក កឹម សុខា មានភស្តុតាងគ្រប់គ្រាន់ក្នុងការតតាំងនៅក្នុងសវនាការដើម្បីដោះបន្ទុក លោក កឹម សុខា ឲ្យមានសិទ្ធិសេរីភាពវិញក្ដី បើសិនជាគ្មានការបើកភ្លើងខៀវពីលោក ហ៊ុន សែន ជាមុនទេនោះ។
តើលោក កឹម សុខា និងមនុស្សមួយចំនួនទៀត កំពុងជាប់ឃុំនោះនៅតែជាចំណាប់ខ្មាំងនយោបាយរបស់លោក ហ៊ុន សែន រហូត ឬយ៉ាងណា?
មនុស្សគ្រប់គ្នាស្ទើរតែដឹងជាមុនហើយថា លោក កឹម សុខា មិនអាចនៅក្រៅឃុំតាមការស្នើសុំរបស់មេធាវីលោកបានទេ ទោះបីជាមេធាវីរបស់លោក កឹម សុខា នោះ រៀនបញ្ចប់សញ្ញាប័ត្រច្បាប់មកពីសាលាល្បីៗនៅលើសាកលលោកក៏ដោយ បើសិនជាតុលាការកម្ពុជា មិនអាចកាត់ផ្ដាច់ឥទ្ធិពលពីលោកនាយករដ្ឋមន្ត្រី ហ៊ុន សែន និងគណបក្សប្រជាជនកម្ពុជា បានទេនោះ។
តុលាការកម្ពុជា ត្រូវបានប្រជាពលរដ្ឋរងគ្រោះដីធ្លី ប្រសិទ្ធិនាមជូនថា ជាតុលាការតេឡេ ពោលគឺបើអ្នកនយោបាយ ឬលោក ហ៊ុន សែន បញ្ជាយ៉ាងណាហើយ តុលាការត្រូវតែស្វះស្វែងរកមាត្រាច្បាប់យកមកចោទប្រកាន់មនុស្សទាំងនោះ ក្រោមហេតុផលអនុវត្តច្បាប់ ទោះបីជាការចោទប្រកាន់សមហេតុផល ឬមិនសមក្ដី។
មកទល់ពេលនេះ មានមនុស្សមិនតិចជាង ៣០នាក់ទេ ដែលកំពុងជាប់ឃុំក្នុងនោះ មានប្រធានគណបក្សសង្គ្រោះជាតិ លោក កឹម សុខា តំណាងរាស្ត្រសកម្មជនបក្សប្រឆាំង សកម្មជនដីធ្លី បរិស្ថាន និងអ្នកសារព័ត៌មានជាដើម។ អ្នកទាំងនេះ ត្រូវបានអង្គការសិទ្ធិមនុស្សជាតិ អន្តរជាតិ ព្រមទាំងប្រទេសមហាអំណាចផងហៅថា ជាអ្នករងគ្រោះនយោបាយ។
ជាការពិតណាស់ សកម្មជនបក្សប្រឆាំង តំណាងរាស្ត្រសកម្មជនដីធ្លី បរិស្ថាន សកម្មជនសិទ្ធិមនុស្ស រួមទាំងអ្នកសារព័ត៌មានឯករាជ្យផង ពួកគាត់ជាក្រុមមនុស្សងាយរងគ្រោះ នៅពេលស្ថានភាពនយោបាយវិវឌ្ឍកាន់តែអាក្រក់។ ដូចគ្នានេះ ព្រឹត្តិការណ៍សំខាន់ៗមួយចំនួនមិនទាន់រសាយបាត់ពីការចង់ចាំរបស់មនុស្សគ្រប់គ្នានៅឡើយ គឺកាលពីឆ្នាំ២០១៤ ក្រោយពីការបោះឆ្នោតអាណត្តិទី៥ គណបក្សប្រឆាំងប្រកាសមិនទទួលស្គាល់លទ្ធផលបោះឆ្នោតនោះ តុលាការបានចាប់តំណាងរាស្ត្របក្សប្រឆាំង ៧រូប មេដឹកនាំសហជីព និងមានករណីកងកម្លាំងរដ្ឋាភិបាលបាញ់សម្លាប់កម្មករ និងរបួសជាច្រើននាក់ទៀត ក្នុងពេលបង្ក្រាបកម្មករធ្វើបាតុកម្ម។
លោក ហ៊ុន សែន ហាក់ប្រើយុទ្ធសាស្ត្រនយោបាយជាន់ដានប្រវត្តិសាស្ត្រដដែលៗ ដើម្បីចាប់មនុស្សទាំងនេះជាចំណាប់ខ្មាំងនយោបាយ ហើយពន្លឺនៃការដោះលែងលោក កឹម សុខា វិញ ហាក់នៅឆ្ងាយនៅឡើយ ដោយយោងលើស្ថានភាពជាក់ស្ដែងបច្ចុប្បន្ន ពីព្រោះបញ្ហាសំខាន់នៅត្រង់ថា លោក ហ៊ុន សែន ខ្លាចចាញ់ការបោះឆ្នោតដោយលោកទាញយកដៃគូប្រកួតដែលលោកធ្លាប់បានលួចវាយកម្ទេចពីក្រោយខ្នងឲ្យបែកបាក់ខ្ទេចខ្ទីអស់ហើយនោះ យកមកធ្វើជាដៃគូប្រកួតវិញ គឺគណបក្សហ្វ៊ុនស៊ិនប៉ិច និងគណបក្សផ្សេងៗមួយចំនួនទៀត ដើម្បីឲ្យគេមើលឃើញថា គណបក្សប្រជាជនកម្ពុជា របស់លោកនៅតែរក្សាភាពខ្លាំងនៅលើសង្វៀនប្រកួតគ្មានអ្នកខ្លាំងប្រកួតជាមួយនោះ។
នៅទន្ទឹមនឹងលោកវាយបំបាក់គូប្រកួតគឺគណបក្សសង្គ្រោះជាតិនោះ លោក ហ៊ុន សែន ក៏កំពុងភ័យព្រួយពីការភ្លាត់ស្នៀតដោយប្រការណាមួយដែរ គឺលោកបានបិទគ្រប់ច្រកល្ហកមិនឲ្យមានសកម្មភាពអ្វីទេ ទោះបីជាក្រុមរងគ្រោះដីធ្លី ក្រុមសិទ្ធិមនុស្ស ក្រុមបក្សប្រឆាំងជាដើម គឺរដ្ឋបាលលោក ហ៊ុន សែន បានទប់ស្កាត់គ្រប់សកម្មភាពមិនឲ្យមានចលនាបាតុកម្មអ្វីឡើយ ក្រោមហេតុផលចោទប្រកាន់ក្រុមទាំងនេះថា ប៉ុនប៉ងធ្វើបដិវត្តន៍ពណ៌ជាដើម។ ក្រៅពីបិទច្រកមិនឲ្យធ្វើសកម្មភាពបាតុកម្មនោះ លោក ហ៊ុន សែន ក៏បិទមាត់ប្រព័ន្ធផ្សព្វផ្សាយឯករាជ្យ និងចាប់អ្នកសារព័ត៌មានទៀតផង ដើម្បីជាការគំរាមកំហែងស្ថាប័នព័ត៌មានដទៃទៀត។
ម្យ៉ាងវិញទៀត ថ្វីត្បិតលោក ហ៊ុន សែន ជោគជ័យលើការរំលាយគណបក្សសង្គ្រោះជាតិ ចាប់លោក កឹម សុខា និងមនុស្សមួយចំនួនទៀតដាក់គុកហើយក្ដី ប៉ុន្តែលោក ហ៊ុន សែន នៅតែភ័យព្រួយពីចលនាណាមួយផ្ទុះឡើង ពិសេសនៅថ្ងៃទី១ ខែកុម្ភៈ លោកនាយករដ្ឋមន្ត្រី ហ៊ុន សែន ព្រមានប្រើប្រាស់អាវុធទំនើបដើម្បីកម្ទេចចលនាសង្គ្រោះជាតិ របស់លោក សម រង្ស៊ី ដែលលោកគិតថា ជាក្រុមឧទ្ទាម ចង់បង្កើតតំបន់អបគមន៍។ ការប្រកាសរបស់លោក ហ៊ុន សែន នេះ គឺផ្ទុយពីអ្វីដែលលោក សម រង្ស៊ី បានប្រកាសថា ការបង្កើតចលនាសង្គ្រោះជាតិនេះ ជាការទាមទារដោយអហិង្សា ដើម្បីទាមទារឲ្យគណបក្សសង្គ្រោះជាតិ បានចូលរួមបោះឆ្នោតវិញ ដោយយកគំរូតាមការតស៊ូដោយអហិង្សារបស់លោក មហាត្មៈ គន្ធី (Mahatma Gandhi) នៃប្រទេសឥណ្ឌា លោក ម៉ាទីន លូធើ ឃីង (Martin Luther King) នៅអាមេរិក និងលោក ណែលសិន ម៉ាន់ដេឡា (Nelson Mandela) នៅអាហ្វ្រិកខាងត្បូង ដែលសុទ្ធតែទទួលបានផលជោគជ័យក្នុងការតស៊ូទាមទាររកយុត្តិធម៌ និងសិទ្ធិសេរីភាពដោយអហិង្សានោះ។
ដោយលោក លោក ហ៊ុន សែន មើលឃើញពីចលនានេះ ថានឹងអាចកាន់តែរីកធំទៅៗនៅពេលខាងមុខនេះហើយ ទើបលោក ហ៊ុន សែន មិនទុកចិត្តអ្នកដទៃក្នុងការតែងតាំងមនុស្សផ្សេងនៅក្នុងជួរកងទ័ព ក្រៅពីតែងតាំងក្រុមគ្រួសារ និងកូនចៅលោក ដូចជាកាលពីពេលថ្មីៗនេះ លោក ហ៊ុន សែន បានតែងតាំងកូនប្រុសច្បងរបស់លោកគឺ លោក ហ៊ុន ម៉ាណែត ឲ្យមានតួនាទីជាច្រើន រួមមានតែងតាំងទៅជាឧត្ដមសេនីយ៍ឯកផ្កាយមាស៣ កាន់តំណែងជាអគ្គមេបញ្ជាការរងកងទ័ពជើងគោក ជាមេបញ្ជាការរងកងអង្គរក្ស ជាមេបញ្ជាការកម្លាំងពិសេសប្រឆាំងភេរវកម្ម និងជានាយរងសេនាធិការចម្រុះនៃកងយោធពលខេមរភូមិន្ទ។ បន្ទាប់មក លោក ហ៊ុន សែន បានតែងតាំងកូនប្រុសទីពីររបស់លោក គឺលោកឧត្ដមសេនីយ៍ទោ ហ៊ុន ម៉ានិត ឲ្យធ្វើជាប្រធាននាយដ្ឋានស្រាវជ្រាវខាងផ្នែកចារកិច្ច។ នៅខែចុងខែធ្នូ ឆ្នាំ២០១៧ លោកបានតែងតាំងក្មួយប្រុសបង្កើតរបស់លោក គឺលោក ហ៊ុន ជា ពីឋានន្តរសក្ដិជាឧត្ដមសេនីយ៍ទោ ទៅជាឧត្ដមសេនីយ៍ឯកផ្កាយមាសបី នៃក្រសួងការពារជាតិ។ ក្នុងរយៈពេលមិនដល់មួយខែផង គឺនៅពាក់កណ្ដាលខែមករា ឆ្នាំ២០១៨ លោកនាយករដ្ឋមន្ត្រី ហ៊ុន សែន បានតែងតាំងកូនប្រសារបស់លោក គឺលោក ឌី វិជ្ជា កូនប្រុសលោក ហុក ឡងឌី ឱ្យធ្វើជាអគ្គស្នងការរងនគរបាលជាតិ ថែមទៀត។
សរុបសេចក្ដី ទោះបីជាលោក ហ៊ុន សែន តែងតាំងកូនចៅរបស់ខ្លួនឲ្យកាន់កិច្ចការធំៗ និងតុលាការបានប្រកាសពីការអនុវត្តច្បាប់ដ៏តឹងតែងដើម្បីបន្តឃុំខ្លួនលោក កឹម សុខា និងមនុស្សមួយចំនួនទៀតជាចំណាប់ខ្មាំងនយោបាយដូច្នេះក្ដី ប៉ុន្តែលោក កឹម សុខា រួមទាំងអ្នកជាប់ឃុំដទៃទៀត នឹងអាចមានសិទ្ធិសេរីភាពវិញភ្លាម បើសិនជាលោក កឹម សុខា ព្រមធ្វើតាមលោក ហ៊ុន សែន ពោលគឺព្រមចេញមកបង្កើតបក្សថ្មីជាមួយតំណាងរាស្ត្រមួយចំនួន ដែលលោក សម រង្ស៊ី ធ្លាប់ចោទថា ជាមនុស្សរបស់លោក ហ៊ុន សែន នោះ ដែលជាយុទ្ធសាស្ត្របំបែកលោក កឹម សុខា ចេញពីលោក សម រង្ស៊ី។ នៅពេលនោះ លោក កឹម សុខា និងមន្ត្រីជាន់ខ្ពស់គណបក្សសង្គ្រោះជាតិ មួយចំនួននឹងត្រូវបានតុលាការរបស់លោក ហ៊ុន សែន នឹងលុបឈ្មោះចេញពីបញ្ជី ១១៨រូបនោះភ្លែត ដើម្បីមានសិទ្ធិធ្វើនយោបាយវិញបាន។ ក៏ប៉ុន្តែយុទ្ធសាស្ត្រនេះ ទំនងជាលោក កឹម សុខា មិនព្រមធ្វើតាមលោក ហ៊ុន សែន ទេ ព្រោះលោកបានប្រកាសហើយថា លោកសុខចិត្តជាប់គុក គឺមិនលក់ឧត្តមគតិរបស់លោកឡើយ។
ទោះបីជាយ៉ាងនេះក្ដី លោក កឹម សុខា និងគណបក្សសង្គ្រោះជាតិ ប្រហែលជាមិនអស់សង្ឃឹមឡើយ ប្រសិនបើគណបក្សសង្គ្រោះជាតិ ទាំងមូល រួមទាំងអ្នកគាំទ្ររបស់បក្សប្រឆាំងផង ព្រមធ្វើតាមបណ្ដាំរបស់លោកដែលថា សេរីភាពគ្មានអ្នកណាឲ្យដោយងាយៗនោះទេ បើសិនជាអ្នកប្រជាធិបតេយ្យទាំងអស់មិនព្រមស្រុះស្រួលគ្នា និងសាមគ្គីឲ្យទៅជាធ្លុងតែមួយដើម្បីទាមទារទេនោះ។ នៅត្រង់ចំណុចនេះ គឺដូចអ្វីដែលជាគោលបំណងរបស់លោក សម រង្ស៊ី ដែលបង្កើតចលនាសង្គ្រោះជាតិនេះឡើងដើម្បីរួមគ្នាទាមទារសិទ្ធិសេរីភាពមកវិញដោយអហិង្សា ដូចដែលប្រទេសប្រទេសមហាអំណាចបានលើកឡើងថា គ្មានអ្នកណាអាចជួយបានក្រៅពីខ្មែរជួយខ្លួនឯងនោះឡើយ។ ក្រៅពីនេះទៀត អ្វីដែលជាគំរូស្រាប់នោះ គឺថារបបផ្ដាច់ការមួយចំនួននៅលើសាកលលោកបានដួលរំលំបន្តិចម្ដងៗ ដោយសារតែកម្លាំងមហាជនភាគច្រើននៅក្នុងប្រទេស បានរួមគ្នាទាមទារសិទ្ធិសេរីភាពរបស់ខ្លួនមកវិញ។
បញ្ហានេះសម្រាប់នៅកម្ពុជា ក៏ដូច្នោះដែរ គ្មានអ្នកណាអាចស្មានត្រូវឡើយ នៅដំណាក់កាលចុងក្រោយ នៅគ្រាដែលលោក ហ៊ុន សែន កាន់តែរឹតត្បិតសិទ្ធិសេរីភាពកាន់តែខ្លាំងឡើង ហើយនៅពេលនោះមិនប្រាកដថា ពលរដ្ឋនៅទូទាំងនគរមិនឈឺចាប់ និងមិនងើបឈរឡើយ នៅស្របពេលលោក ហ៊ុន សែន កំពុងតែដឹកនាំបែបយោធានិយម ហើយរើសអើងនៅក្នុងជួររដ្ឋាភិបាលផង ពោលគឺសែស្រឡាយរបស់លោកបានឡើងឋានន្តរសក្ដិ តួនាទីជាបន្តបន្ទាប់ រីឯអ្នកតស៊ូនៅក្នុងបក្ស នៅក្នុងជួររដ្ឋាភិបាល និងនៅក្នុងជួរកងទ័ពដទៃទៀត ទោះបីជាបានខិតខំធ្វើការស្ទើរពេញមួយជីវិតទៅហើយក្ដី ពួកគាត់មួយចំនួនបានត្រឹមតែស័ក្ដិ២ ស័ក្ដិ៣ ដដែលនោះ មិនសន្មតថា អ្នកទាំងនោះកំពុងគាំទ្ររបបលោក ហ៊ុន សែន ឡើយ៕
លោក សម រង្ស៊ី ស្នើឱ្យលោក ហ៊ុន សែន ឈប់ឆ្កួត
ឆ្លើយតបនឹងលោក ហ៊ុន សែន ដែលកាលពីចុងសប្ដាហ៍នេះបានចោទប្រកាន់លោកថា ជាមេភេរវករនោះ លោក សម រង្ស៊ី បានសរសេរសារផ្ញើជូនលោកនាយករដ្ឋមន្ត្រី ហ៊ុន សែន នៅលើទំព័រហ្វេសប៊ុក (Facebook) ថា បើលោកជាភេរវករមែន នោះមិនមែនឥស្សរជនជាន់ខ្ពស់នៅសហរដ្ឋអាមេរិក និងនៅទ្វីបអឺរ៉ុប រាប់អានរូបលោក និងផ្ដល់កម្លាំងចិត្តឱ្យលោកក្នុងការតស៊ូទាមទារលទ្ធិប្រជាធិបតេយ្យជូនប្រជារាស្ត្រខ្មែរនោះទេ។
លោក សម សង្ស៊ី ចោទវិញថា ហ៊ុន សែន នោះទេ ដែលជាឃាតក និងជាមេក្រុមភេរវករក្នុងជួរអ្នកដឹកនាំប្រទេសកម្ពុជា សព្វថ្ងៃ ដែលបានសម្លាប់មនុស្សជាច្រើនដូចជាផែនការ “ក៥” អំពើភេរវកម្មថ្ងៃទី៣០ ខែមីនា ឆ្នាំ១៩៩៧ រដ្ឋប្រហារខែកក្កដា ឆ្នាំ១៩៩៧ ជាដើម។
លោក សម រង្ស៊ី បន្ថែមទៀតថា គេនឹងអូសកលោក ហ៊ុន សែន ទៅកាត់ទោសចំពោះមុខតុលាការព្រហ្មទណ្ឌអន្តរជាតិ (ICC) ក្នុងពេលឆាប់ៗខាងមុខនេះជាពុំខាន៕
Wednesday, January 31, 2018
សភាស្នើឲ្យចាត់ការអតីតតំណាងរាស្ត្រ CNRP ប្រើឡូហ្គោរដ្ឋសភា
សំណើឲ្យមានវិធានការរបស់រដ្ឋសភានេះធ្វើឡើងបន្ទាប់ពីលោក អេង ឆៃអ៊ាង អតីតអ្នកតំណាងរាស្ត្រគណបក្សសង្គ្រោះជាតិមណ្ឌលខេត្តកណ្ដាលដែលតុលាការកំពូលសម្រេចរំលាយចោល កាលពីខែវិច្ឆិកាឆ្នាំ ២០១៧ និងមានឈ្មោះក្នុងបញ្ជីហាមធ្វើនយោបាយរយៈពេល ៥ ឆ្នាំនោះបានផ្ញើលិខិតរំលែកទុក្ខចំពោះមរណភាពរបស់លោក ស៊ាន ប៉េងសែ អតីតរដ្ឋមន្ត្រីក្រសួងឧស្សាហកម្ម រ៉ែ និងសិប្បកម្មក្នុងរបបសាធារណរដ្ឋខ្មែរដោយប្រើប្រាស់លិខិតដែលមានរូបសញ្ញារដ្ឋសភា។
លោក ឡេង ប៉េងឡុង អគ្គលេខាធិការ និងជាអ្នកនាំពាក្យរដ្ឋសភាបានប្រាប់ភ្នំពេញប៉ុស្ដិ៍កាលពីម្សិលមិញថាករណីលោក អេង ឆៃអ៊ាង បានលួចប្រើប្រាស់រូបសញ្ញារដ្ឋសភាលើលិខិតនេះគឺជាករណីរំលោភរដ្ឋធម្មនុញ្ញច្បាប់ស្តីពីលក្ខន្តិកៈតំណាងរាស្ត្រ បទបញ្ជាផ្ទៃក្នុងនៃរដ្ឋសភា និងច្បាប់ជាធរមានផ្សេងៗទៀត។
លោកបន្តថា លោកបានស្នើឲ្យក្រសួងមហាផ្ទៃចាត់វិធានការតាមច្បាប់ជាធរមានហើយយើងនៅតែបន្តស៊ើបអង្កេតអ្នកដែលហ៊ានលួចបន្លំប្រើប្រាស់ឈ្មោះរដ្ឋសភាដើម្បីជាប្រយោជន៍ផ្ទាល់ខ្លួន។
លោកបញ្ជាក់ថា៖ «ខ្ញុំបានស្នើទៅក្រសួងមហាផ្ទៃរួចរាល់ហើយឲ្យចាត់វិធានការព្រោះវាជាទង្វើខុសច្បាប់»។
លិខិតរបស់លោក ឡេង ប៉េងឡុង បានសរសេរកាលពីថ្ងៃទី ៣០ ខែមករាបានបង្ហាញថា៖ «អតីតតំណាងរាស្ត្រនៃអតីតគណបក្សសង្គ្រោះជាតិត្រូវបានបាត់បង់ទាំងស្រុងនូវសិទ្ធិបុព្វសិទ្ធិ និងសមាជិកភាពជាសមាជិករដ្ឋសភានីតិកាលទី ៥ ចាប់ពីថ្ងៃទី ១៧ ខែវិច្ឆិកាឆ្នាំ ២០១៧ មក តាមសេចក្តីប្រកាសលេខ ១៣៤ រ ស ចុះថ្ងៃទី ១៧ ខែវិច្ឆិកា ឆ្នាំ ២០១៧ របស់រដ្ឋសភា។ កន្លងទៅថ្មីៗនេះមានអតីតតំណាងរាស្ត្រនៃអតីតគណបក្សសង្គ្រោះជាតិបានលួចប្រើប្រាស់នូវរូបសញ្ញារដ្ឋសភាលើលិខិតផ្សេងៗដែលរំលោភរដ្ឋធម្មនុញ្ញ ច្បាប់ស្តីពីលក្ខន្តិកៈតំណាងរាស្ត្រ បទបញ្ជាផ្ទៃក្នុងនៃរដ្ឋសភា និងច្បាប់ជាធរមានផ្សេងៗទៀត។ ទង្វើនេះធ្វើឱ្យមានការភាន់ច្រឡំពីសាធារណជនជាតិ និងអន្តរជាតិ ព្រមទាំងប៉ះពាល់ដល់ស្ថាប័នរដ្ឋសភាទៀតផង»។
លោក អេង ឆៃអ៊ាង មិនទាន់អាចទាក់ទងសុំអធិប្បាយបានទេកាលពីម្សិលមិញ។
លោក ឆៃអ៊ាង កាលពីថ្ងៃទី ២៤ ខែមករា ឆ្នាំ ២០១៨ បានសរសេរលិខិតមួយដើម្បីចូលរួមរំលែកមរណភាពរបស់លោកព្រឹទ្ធាចារ្យ ស៊ាន ប៉េងសែ ដោយក្នុងនោះបានសរសេរថា៖ «ខ្ញុំមានសេចក្ដីរន្ធត់ និងសោកស្ដាយយ៉ាងខ្លាំងបន្ទាប់ពីទទួលដំណឹងថាលោកព្រឹទ្ធាចារ្យ ស៊ាន ប៉េងសែ ជាស្ថាបនិក និងប្រធានគណៈកម្មាធិការព្រំដែនកម្ពុជាប្រចាំប្រទេសបារាំងទទួលមរណភាព នៅវេលាម៉ោង ៤ ទៀបភ្លឺថ្ងៃទី ២៣ ខែមករា ឆ្នាំ ២០១៨ ក្នុងជន្មាយុ ៨២ ឆ្នាំ ដោយរោគាពាធ»។
លោក ខៀវ សុភ័គ អ្នកនាំពាក្យក្រសួងមហាផ្ទៃបានឲ្យដឹងកាលពីម្សិលមិញថា ករណីនេះក្រសួងមហាផ្ទៃកំពុងពិនិត្យមើលតាមស្ថានភាពជាក់ស្ដែងដើម្បីចាត់វិធានការតាមច្បាប់ ប៉ុន្ដែភ្លាមៗនេះលោកមិនទាន់អាចអធិប្បាយបានទេ។
អតីតអ្នកតំណាងរាស្ត្រគណបក្សសង្គ្រោះជាតិរួមទាំងថ្នាក់ដឹកនាំជាន់ខ្ពស់គណបក្សនេះចំនួន ១១៨ រូបត្រូវបានតុលាការកំពូលហាមមិនឱ្យធ្វើនយោបាយរយៈពេល ៥ ឆ្នាំកាលពីថ្ងៃទី ១៦ ខែវិច្ឆិកាឆ្នាំ ២០១៧ គឺស្របពេលដែលតុលាការកំពូលបានសម្រេចរំលាយគណបក្សនេះ៕
លោក ខៀវ កាញារីទ្ធ៖ ច្បាប់សិទ្ធិទទួលព័ត៌មានជួយច្រើនដល់ការពង្រឹងយុត្តិធម៌សង្គម
នៅក្នុងសន្និសីទស្តីពីសិទ្ធិទទួលបានព័ត៌មាននៅថ្ងៃនេះ លោក ខៀវ កាញារីទ្ធ លើកឡើងថា ពេលសេចក្តីព្រាងច្បាប់ស្តីនេះចូលជាធរមានហើយនឹងជួយច្រើនដល់សង្គមគឺមិនមែនតែសម្រាប់វិស័យសារព័ត៌មាននោះទេ គឺសម្រាប់ពង្រឹងយុត្តិធម៌សង្គមផងដែរ។
សេចក្តីព្រាងច្បាប់ស្តីពីសិទ្ធិទទួលបានព័ត៌មាន ក្រុមការងារបច្ចេកទេសបានឯកភាពគ្នាបញ្ចប់កាលពីថ្ងៃទី២៦ខែមករា ហើយកំពុងត្រៀមបញ្ជូនទៅគណៈរដ្ឋមន្ត្រីបន្តតាមនីតិវិធី។ ក្រុមការងារបច្ចេកទេសនេះបានចាប់ផ្តើមតាក់ តែងសេចក្តីព្រាងច្បាប់នេះកាលពីឆ្នាំ២០១៥។
អង្គការមិនមែនរដ្ឋាភិបាលក្នុងប្រទេសកម្ពុជា បានផ្តួចផ្តើមឲ្យមានសេចក្តីព្រាងច្បាប់ស្តីពីសិទ្ធិទទួលព័ត៌មាន កាលពី៤ឆ្នាំមុន ប៉ុន្តែសេចក្តីព្រាងច្បាប់នោះមិនត្រូវបានលើកយកមករៀបចំជាសេចក្តីព្រាងច្បាប់ឡើយ។ សេចក្តីព្រាងដែលទើបបញ្ចប់នេះមាន៩ជំពូក ៣៨មាត្រា៕
Tuesday, January 30, 2018
អ្នកឃ្លាំមើលថា រដ្ឋាភិបាលកំពុងស្វែងរកការទទួលស្គាល់ការបោះឆ្នោតខាងមុខ
កាលពីសប្ដាហ៍មុននេះ លោកនាយករដ្ឋមន្ដ្រី ហ៊ុន សែន បានសរសេរលើហ្វេសប៊ុករបស់លោកថា លោកបានស្នើទៅរដ្ឋាភិបាលជប៉ុន និងឥណ្ឌា ឲ្យបន្ដជួយគាំទ្រ និងបញ្ជូនអ្នកសង្កេតការណ៍ មកចូលរួមឃ្លាំមើលភាពត្រឹមត្រូវ នៃដំណើរការបោះឆ្នោតតាមបែបប្រជាធិបតេយ្យនៅកម្ពុជា នាខែកក្កដាខាងមុខនេះ។
លោក ហ៊ុន សែន បានស្នើបែបនេះ បន្ទាប់ពីសហគមន៍អន្តរជាតិនាំមុខដោយសហភាពអឺរ៉ុប និងសហរដ្ឋអាមេរិក បានព្រមានមិនទទួលស្គាល់លទ្ធផលនៃការបោះឆ្នោតនៅកម្ពុជានាពេលខាងមុខនោះឡើយ ប្រសិនបើគណបក្សសង្គ្រោះជាតិ ដែលត្រូវបានរំលាយចោលកាលពីពាក់កណ្ដាលខែវិច្ឆិកាឆ្នាំមុននោះ មិនត្រូវបានអនុញ្ញាតឲ្យចូលរួមប្រកួតប្រជែងនៅក្នុងការបោះឆ្នោត ហើយលំហរប្រជាធិបតេយ្យសេរីពហុបក្ស មិនត្រូវបានស្ដារឡើងវិញទេនោះ។
នាយកប្រតិបត្តិអង្គការណិចហ្វិច លោក សំ គន្ធាមី យល់ថា ទោះបីជប៉ុន និងឥណ្ឌា បញ្ជូនអ្នកសង្កេតការណ៍របស់ខ្លួនមកកម្ពុជាក៏ដោយ ប៉ុន្ដែ លោកថា វាក៏អាស្រ័យលើការវាយតម្លៃរបស់ពួកគេ ទៅលើដំណើរការ និងលទ្ធផលនៃការបោះឆ្នោតថា តើមានភាពមិនប្រក្រតី និងត្រឹមត្រូវកម្រិតណា។
លោកយល់ថា ការបោះឆ្នោតឆ្នាំ២០១៨ នឹងពិបាកទទួលយក បើគ្មានអតីតបក្សសង្គ្រោះជាតិចូលរួម។ លោកបន្ថែមថា រដ្ឋាភិបាលកើតក្រោយការបោះឆ្នោត នឹងជួបបញ្ហាទំនាក់ទំការទូតជាមួយបណ្ដាប្រទេសដែលមិនទទួលស្គាល់ការបោះឆ្នោតខាងមុខនេះ។
លោកថា៖ «ជប៉ុន ឬក៏អូស្ដ្រាលីក៏ដោយ បើសិនជាគេបញ្ជូនអ្នកសង្កេតការណ៍មក យើងចាំមើលការវាយតម្លៃលើការបោះឆ្នោតវាយ៉ាងម៉េច មិនប្រាកដថា អ្នកដែលបញ្ជូនមក វាយតម្លៃទៅលើការបោះឆ្នោតជាវិជ្ជមានទាំងអស់ទេ។ វាអាស្រ័យទៅលើភាពមិនប្រក្រតី ដែលគេរកឃើញដែរណា!។ យើងរង់ចាំមើលតើវត្តមានគណបក្សសង្គ្រោះជាតិ អាចមានវត្តមានទេ មកចូលរួមនាពេលខាងមុខទេ ប៉ុន្ដែ បើនិយាយពីគោលការណ៍ស្មើភាពគ្នា គួរមានគណបក្សសង្គ្រោះជាតិ បានចូលរួមប្រកួតប្រជែង»។
មន្ដ្រីផ្នែកច្បាប់នៃអង្គការខុមហ្វ្រែល លោក យឿង សុធារ៉ា យល់ថា នេះជារឿងថ្មីមួយ បើឥណ្ឌាងាកមកខ្វល់ខ្វាយបញ្ហាសិទ្ធិមនុស្ស និងប្រជាធិបតេយ្យនៅកម្ពុជា ដោយថា ការបោះឆ្នោតប៉ុន្មានអាណត្តិកន្លងមកនេះ ឥណ្ឌាមិនដែលបានបញ្ជូនអ្នកសង្កេតការណ៍មកកម្ពុជាឡើយ។
លោកថា បើឥណ្ឌាបង្ហាញជំហរគាំទ្រដំណើរការបោះឆ្នោតនៅកម្ពុជា នោះនឹងធ្វើឲ្យរដ្ឋាភិបាលកើតក្រោយការបោះឆ្នោត មានការទទួលស្គាល់ខ្លះពីប្រទេសកាន់លទ្ធិប្រជាធិបតេយ្យ ស្របពេលសហរដ្ឋអាមេរិក និងសហភាពអឺរ៉ុប ព្រមានមិនទទួលស្គាល់ការបោះឆ្នោត។ ប៉ុន្ដែ លោកយល់ថា ការគាំទ្ររបស់ឥណ្ឌា អាចកើតចេញពីផលប្រយោជន៍សេដ្ឋកិច្ច ពាណិជ្ជកម្ម និងចំណងការទូតច្រើនជាង។
លោកថា៖ «បើសិនជាមានវត្តមានរបស់ឥណ្ឌា វាជារឿងថ្មីមួយ ព្រោះឥណ្ឌា ហើយនិងចិន វាជាមហាអំណាចនៅអាស៊ី បើសិនបានសំឡេងឥណ្ឌាមួយទៀត ហើយឥណ្ឌាជាប្រទេសប្រកាន់របបប្រជាធិបតេយ្យស្រាប់ វាជាសំឡេងដ៏ធំមួយដែរ ក្នុងការបញ្ជាក់សំឡេងនៅសហគមន៍អន្ដរជាតិ បញ្ជាក់ទៅសហរដ្ឋអាមេរិក និងលោកខាងលិខជាដើម ដែលតែងមិនយល់ស្របជាមួយការធ្វើទុក្ខបុកម្នេញនៅកម្ពុជា»។
អ្នកវិភាគនយោបាយ លោកបណ្ឌិត ឡៅ ម៉ុងហៃ មើលឃើញថា រដ្ឋាភិបាលដឹកនាំដោយគណបក្សប្រជាជនកម្ពុជា កំពុងស្វែងការគាំទ្រ និងការទទួលស្គាល់ពីប្រទេសផ្សេងទៀត ដើម្បីបញ្ជាក់ថា ការបោះឆ្នោត ដែលគ្មានអតីតបក្សសង្គ្រោះជាតិចូលរួមនាពេលខាងមុខនោះ មានភាពត្រឹមត្រូវ និងយុត្ដិធម៌។
លោកថា ជប៉ុនកំពុងជួយលើផ្នែកបច្ចេកទេសរៀបចំការបោះឆ្នោតប៉ុណ្ណោះ។ ប៉ុន្ដែ ចំពោះការបញ្ជូនអ្នកសង្កេតការណ៍មកកម្ពុជា លោកថា ជប៉ុននឹងមិនបញ្ជូនមកនោះទេ បន្ទាប់ពីមានការរំលាយអតីតគណបក្សប្រឆាំងដ៏ធំ ការយាយីលើក្រុមអង្គការសង្គមស៊ីវិល និងវិទ្យុឯករាជ្យ នៅមុនការបោះឆ្នោតដូចនេះ។
លោកថា៖ «ត្រង់ហ្នឹងឯងហើយ ចាំបាច់ ត្រូវតែធ្វើឲ្យការបោះឆ្នោត មានភាពស្របច្បាប់ ហើយនិងមានលក្ខណៈសេរី និងយុត្តិធម៌ នេះគឺត្រូវការអ្នកពីក្រៅមក ដើម្បីពិនិត្យមើល ឃ្លាំមើលការបោះឆ្នោតហ្នឹង។ ជប៉ុនគេបានជួយផ្នែកបច្ចេកទេសជាបណ្ដើរៗ ហើយគេជួយតទៅទៀត ប៉ុន្ដែត្រង់តែថា អ្នកសង្កេតការណ៍អីហ្នឹង តើជប៉ុនអាចរៀបចំអ្នកសង្កេតការណ៍ផ្លូវការ មន្ដ្រីគេមកសង្កេតការណ៍ហ្នឹង តែខ្ញុំមិនយល់ ខ្ញុំមិនជឿជាក់ថា រដ្ឋាភិបាល នឹងចាត់តាំងអ្នកសង្កេតការណ៍ផ្លូវការនោះទេ»។
បន្ទាប់ពីតុលាការកំពូលរំលាយអតីតគណបក្សសង្គ្រោះជាតិ សហភាពអឺរ៉ុប និងសហរដ្ឋអាមេរិក បានព្រមានដាក់ទណ្ឌកម្មសេដ្ឋកិច្ច និងការទូត ដោយថា កម្ពុជាកំពុងឆ្ពោះទៅរករបបផ្ដាច់ការ និងផ្ទុយពីស្មារតីនៃកិច្ចព្រមព្រៀងក្រុងប៉ារីស។
សហគមន៍អន្តរជាតិ ក៏បានព្រមានមិនទទួលស្គាល់ការបោះឆ្នោតថ្នាក់ជាតិនាពេលខាងមុខផងដែរ បើសិនរដ្ឋាភិបាលកម្ពុជា មិនស្ដារលទ្ធិប្រជាធិបតេយ្យឡើងវិញ និងមិនបើកឲ្យគណបក្សសង្គ្រោះជាតិចូលរួមការបោះឆ្នោតនោះ៕
វៀតណាមបន្តទទូចឲ្យកម្ពុជាបង្កើនល្បឿនផ្ដល់ភាពស្របច្បាប់ដល់ពលរដ្ឋខ្លួន
អ្នកនាំពាក្យនគរបាលជាតិ លោក គៀត ច័ន្ទថារិទ្ធ ត្រូវបានដកស្រង់សម្ដីដោយគេហទំព័រនគរបាលជាតិ ដែលបានថ្លែងប្រាប់អ្នកសារព័ត៌មានថា រដ្ឋមន្ត្រីក្រសួងនគរបាលវៀតណាម លោក តូ ឡាំ បានស្នើឡើងបែបនេះ នៅអំឡុងជំនួបជាមួយរដ្ឋមន្ត្រីក្រសួងមហាផ្ទៃ លោក ស ខេង កាលពីថ្ងៃអាទិត្យកន្លងមកនេះ។
លោក គៀត ច័ន្ទថារិទ្ធ ត្រូវបានដកស្រង់សម្ដីដែលថ្លែងថា៖«ក្នុងជំនួបរវាងសម្តេចក្រឡាហោម ស ខេង ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃកម្ពុជា ជាមួយឯកឧត្តម តូ ឡាំ រដ្ឋមន្រ្តីក្រសួងនគរបាលវៀតណាមនេះ គឺភាគីវៀតណាមក៏បានសុំឲ្យអាជ្ញាធរកម្ពុជាអនុវត្តការផ្តល់លិខិតស្នាមស្របច្បាប់ ចំពោះជនអន្តោប្រវេសន៍វៀតណាមឲ្យបានឆាប់ផងដែរ »។
មន្ត្រីជាន់ខ្ពស់វៀតណាមរូបនេះ បានស្នើបែបនេះ តែជាង ២សប្ដាហ៍ប៉ុណ្ណោះ បន្ទាប់ពីព្រឹត្តិប័ត្រព័ត៌មានរដ្ឋាភិបាលវៀតណាម VGP News បានចុះផ្សាយថា អំឡុងជំនួបក្រៅវេទិកាមេគង្គ-ឡានឆាងលើកទី២ នៅទីក្រុងភ្នំពេញ លោកនាយករដ្ឋមន្ត្រី ហ៊ុន សែន បានយល់ព្រមតាមសំណើរបស់នាយករដ្ឋមន្ត្រីវៀតណាម លោក ង្វៀន សួនហ្វុក ដែលបានស្នើមករដ្ឋាភិបាលកម្ពុជា ឲ្យផ្ដល់ភាពស្របច្បាប់ដល់ជនអន្តោប្រវេសន៍វៀតណាមនៅក្នុងប្រទេសកម្ពុជា។
ក្រុមមេដឹកនាំវៀតណាមបានស្នើបែបនេះជាបន្តបន្ទាប់មកភាគីកម្ពុជា ក្រោយពីអាជ្ញាធរកម្ពុជាបានចេញបញ្ជាឲ្យដកហូតឯកសាររដ្ឋបាលមិនប្រក្រតីកាន់កាប់ដោយជនបរទេស ដែលភាគច្រើនលើសលប់កាន់កាប់ដោយជនអន្តោប្រវេសន៍វៀតណាម។
ទោះជាយ៉ាងណា អ្នកនាំពាក្យក្រសួងមហាផ្ទៃ លោក ខៀវ សុភ័គ បានឲ្យដឹងកាលពីសប្ដាហ៍មុនថា ក្រសួងមហាផ្ទៃគ្រោងស្នើឲ្យកែប្រែច្បាប់អន្តោប្រវេសន៍ និងច្បាប់សញ្ជាតិ ដោយថា ដើម្បីផ្ដល់ភាពងាយស្រួលដល់ជនអន្តោប្រវេសន៍ ដែលកំពុងរស់នៅក្នុងប្រទេសកម្ពុជា។
អគ្គនាយកដ្ឋានអន្តោប្រវេសន៍កម្ពុជា បានឲ្យដឹងថា ជនបរទេសជាង ៧ម៉ឺននាក់ កំពុងកាន់កាប់ឯកសាររដ្ឋបាលខុសប្រក្រតីនៅក្នុងប្រទេសកម្ពុជា ក្នុងនោះជនជាតិវៀតណាមមានចំនួនដល់ទៅ ៩៩.៤៩ភាគរយ៕
Saturday, January 27, 2018
ពលរដ្ឋ៣គ្រួសារនៅខេត្តក្រចេះភ័យព្រួយរឿងទាហានគំរាមយកដីស្រែចម្ការ
ជនជាតិដើមភាគតិចព្នងបីគ្រួសាររស់នៅភូមិចឹង ឃុំឃ្សឹម ស្រុកស្នួល កាលពីពេលថ្មីៗនេះ បានស្វែងរកកិច្ចអន្តរាគមន៍ទៅអាជ្ញាធរមូលដ្ឋាន និងសមាគមការពារសិទ្ធិមនុស្សអាដហុក (Adhoc) ដើម្បីពិភាក្សាផ្នែកច្បាប់ ករណីយោធា ៣នាក់ គំរាមប្លន់យកដីពលរដ្ឋ ៥ហិកតារ និងយកគ្រឿងចក្រឈូសឆាយកំណត់ព្រំដីរបស់ពួកគាត់។
ជនជាតិដើមភាគតិចព្នងដែលត្រូវជាឪពុកជនរងគ្រោះ រស់នៅភូមិចឹង លោក ប្រ៉ក់ រ៉ូត ឲ្យដឹងនៅថ្ងៃទី២៧ មករា ថា យោធាមួយក្រុមប្រដាប់ដោយអាវុធ ឈ្មោះ ប្រុស ឈ្មោះ ភ័ណ និងឈ្មោះ ផុន បានជូនដំណឹងឲ្យពលរដ្ឋ ៣គ្រួសារ ចុះចេញពីដីចម្ការ ៥ហិកតារ ជាបន្ទាន់ បើពុំដូច្នេះទេ ពួកគេនឹងដុតកម្ទេចរោងចម្ការចោល។ លើសពីនេះទៀត យោធាទាំងនោះបានរារាំងមិនឲ្យពួកគាត់ដាំដុះលើដីទាំងនោះ និងគំរាមបាញ់ពលរដ្ឋ ប្រសិនបើនៅតែមានៈរឹងទទឹង។ លោកថា ពលរដ្ឋបីគ្រួសារដែលត្រូវទាហានគំរាមនោះ មិនហ៊ានដេកចាំចម្ការដូចមុននោះឡើយ និងមិនហ៊ានធ្វើចម្ការដាំដុះនោះទេ ព្រោះខ្លាចក្រែងយោធាទាំងនោះប្រើកាំភ្លើងបាញ់ និងចាប់ដាក់គុក៖ «ទាហានមានកាំភ្លើងស្រាប់ អ៊ីចឹងវាខលទៅគ្នាវាអីមិនដឹង ដល់យប់គំរាមយើង។ ខ្ញុំព្រួយដែរ ព្រោះគេមានអំណាច ដូចអា ភ័ណ ដូចអី គេទាហានគេកាប់ឈើម្នាក់ ១០ ទៅ ២០ហត្ថគេមានសាច់ញត្តិ និងខ្នង»។
បុរសដដែលបន្ថែមថា ក្រោយពីយោធាទាំងនោះគំរាម អ្នកភូមិបានផ្ដល់ដំណឹងទៅមេឃុំឲ្យជួយដោះស្រាយ និងអន្តរាគមន៍ឲ្យបញ្ឈប់គំរាមអាយុជីវិតពួកគាត់។ ពួកគាត់ប្ដេជ្ញាថា នឹងក្រាញននៀលមិនចាកចេញពីដីនោះជាដាច់ខាត ព្រោះជាដីកេរដូនតាដែលពួកគាត់ប្រើប្រាស់ច្រើនជំនាន់មកហើយ៖ «ខ្ញុំខលទៅខាងឃុំ គាត់ថាមិនអីទេដីយើងធ្វើទៅ។ គេអ្នកមានអំណាច ព្រោះយើងប្រជាពលរដ្ឋមានអី? បើគេធ្វើមានតែស្លាប់ បើទុកបានរស់»។
កាលពីពាក់កណ្ដាលខែមករា ឆ្នាំ២០១៨នេះ យោធាទាំងនោះបានយកគ្រឿងចក្រមួយគ្រឿង ចូលឈូសឆាយដីរបស់ពួកគាត់ ដើម្បីកំណត់ព្រំប្រទល់ដី និងដកបង្គោលរបងចាស់ៗចេញ។
អាស៊ីសេរី មិនអាចរកប្រភពទាក់ទងយោធាស្រុកស្នួល ឈ្មោះ ប្រុស ឈ្មោះ ភ័ណ និងឈ្មោះ ផុន ដើម្បីសុំការបំភ្លឺជុំវិញការចោទប្រកាន់នេះបានទេ នៅថ្ងៃទី២៧ ខែមករា។
មេឃុំឃ្សឹម លោកស្រី ក្លាន ណារ៉េត នៅថ្ងៃទី២៧ មករា បានបដិសេធមិនផ្ដល់បទសម្ភាសន៍ដល់អាស៊ីសេរី ទេ ដោយសារជាប់រវល់។
មន្ត្រីឃ្លាំមើលសិទ្ធិមនុស្សនៃសមាគមអាដហុក (ADHOC) លោក ប៊ី វ៉ាន់នី ឲ្យដឹងថា សមាគមអាដហុក បានទទួលពាក្យបណ្ដឹងរឿងនេះហើយ និងអន្តរាគមន៍ទៅអាជ្ញាធរឲ្យជួយស្វែងយុត្តិធម៌រឿងនេះ។ លោកចាត់ទុកការគំរាមរបស់យោធាទាំងនោះ ថាជាការរំលោភសិទ្ធិមនុស្ស និងផ្ទុយពីក្របខ័ណ្ឌច្បាប់ ជាពិសេសវានឹងប៉ះពាល់មុខមាត់របស់រដ្ឋាភិបាលផង។
លោកថា ជនរងគ្រោះមានសិទ្ធិប្ដឹងយោធាទាំងនោះទៅស្ថាប័នអយ្យការពីបទគំរាមដោយចេតនា៖ «ចង់បាននីតិរដ្ឋដែលគ្រប់គ្នាត្រូវឋិតនៅក្រោមច្បាប់ តែចំពោះអ្នកមានអំណាច និងអ្នកមានលុយបែរជាច្បាប់កាត់ចេញថា មិនឋិតក្រោមច្បាប់។ យើងសំណូមពរឲ្យអាជ្ញាធរស្រុក និងឃុំ ចាត់វិធានការលើជនប្រព្រឹត្ត និងអនុវត្តតាមនីតិវិធីច្បាប់»។
ក្រមព្រហ្មទណ្ឌមាត្រា២៣៣ ចែងថា ការគំរាមកំហែង និងសម្លាប់សម្ដែងចេញតាមលិខិត រូបភាព ឬវត្ថុអ្វីមួយ ត្រូវផ្ដន្ទាទោសពី ៦ខែ ទៅ ២ឆ្នាំ និងពិន័យជាប្រាក់ពី ១លានរៀលទៅ ៤លានរៀល៕
កម្ពុជាអំពាវនាវឲ្យអាមេរិកផ្តល់ទិដ្ឋាការការទូតឡើងវិញ ខណៈតុលាការអាមេរិកផ្អាកការបណ្តេញពលរដ្ឋខ្មែរ
មន្រ្តីក្រសួងការបរទេសកម្ពុជា
អំពាវនាវឲ្យរដ្ឋាភិបាលសហរដ្ឋអាមេរិក
លុបចោលការបង្កកទិដ្ឋាការដល់ក្រុមមន្រ្តីការទូតកម្ពុជាមិនឲ្យជាន់ទឹកដីអាមេរិក
ដោយសារតែបញ្ហាជនភៀសខ្លួនខ្មែរ។ ការអំពាវនាវនេះ ធ្វើឡើង
ស្របពេលដែលចៅក្រមសហព័ន្ធសហរដ្ឋអាមេរិក
បានផ្អាកការបណ្តេញជនជាតិខ្មែរជិត១០០នាក់
ចេញពីសហរដ្ឋអាមេរិកភ្លាមៗ ដោយយល់ថា
ជនជាតិអាមេរិកដើមកំណើតខ្មែរទាំងនោះគួរមានសិទ្ធិតតាំងក្តីនៅចំពោះមុខតុលាការ
ប្រឆាំងនឹងគោលនយោបាយរបស់លោក ដូណាល់ ត្រាំ
មុននឹងត្រូវបណ្ដេញចេញ។
ជាមួយនឹងការប្រកាសស្វាគមន៍ទៅនឹងចំណាត់ការរបស់តុលាការអាមេរិកនៅពេលនេះ
អ្នកនាំពាក្យក្រសួងការបរទេសកម្ពុជា លោក ជុំ សុន្ទរី
បានអំពាវនាវឲ្យរដ្ឋាភិបាលសហរដ្ឋអាមេរិក
លុបចោលបំរាមរបស់ខ្លួនដែលបង្កកទិដ្ឋាការដល់ក្រុមមន្រ្តីការទូតកម្ពុជាមិនឲ្យជាន់ទឹកដីអាមេរិក។
ជាទណ្ឌកម្មដែលអាមេរិកដាក់ចេញដោយសារតែរដ្ឋាភិបាលកម្ពុជាកន្លងទៅ
មិនព្រមទទួលយកជនជាតិអាមេរិកដើមកំណើតខ្មែរ
ដែលបានប្រព្រឹត្តបទឧក្រិដ្ឋ ឲ្យមករស់នៅកម្ពុជាវិញ។
យ៉ាងណាក៏ដោយ មន្រ្តីរដ្ឋាភិបាលកម្ពុជា បានចាត់ទុកចំណាត់របស់តុលាការអាមេរិកនេះថា បានផ្តល់យុត្តិធម៌ចំពោះពលរដ្ឋខ្មែរតាមច្បាប់របស់អាមេរិក និងតម្លៃមនុស្សធម៌តាមគោលការណ៍សិទ្ធិមនុស្ស ហើយថាការរិតត្បិតទិដ្ឋាការរបស់រដ្ឋាភិបាលអាមេរិក កាលពីខែកញ្ញាឆ្នាំ២០១៧លើមន្រ្តីកម្ពុជានោះ ធ្វើឡើងមិនមានមូលដ្ឋាន។
បើតាម លោក ជុំ សុន្ទរី ប្រសិនបើ អាមេរិកដកចេញបំរាមទិដ្ឋាការដល់មន្រ្តីការទូតកម្ពុជានោះគឺជាការត្រួសត្រាយផ្លូវ បើកឲ្យមានកិច្ចសហប្រតិបត្តិការឡើងវិញ លើការរុករកអដ្ឋិធាតុទាហានដែលស្លាប់នៅកម្ពុជាសម័យសង្រ្គាម។
កាលពីខែតុលា ឆ្នាំ២០១៧ អាជ្ញាធរទទួលបន្ទុកបញ្ហាអន្តោប្រវេសន៍នៅអាមេរិក បានបើកប្រតិបត្តិការចុះឆែកឆេរជាបន្តបន្ទាប់ ហើយក៏បានធ្វើការឃាត់ខ្លួនជនជាតិខ្មែរបានប្រមាណ១០០នាក់ ដោយភាគច្រើនក្នុងចំណោមនោះ គឺជាអ្នកដែលបានរត់ភៀសខ្លួន ចេញពីរបបប្រល័យខ្មែរក្រហម កាលពីអំឡុងទសវត្សរ៍៧០។
ប៉ុន្តែចៅក្រមសហព័ន្ធបាននិយាយកាលពីថ្ងៃព្រហស្បតិ៍ថារដ្ឋបាលរបស់លោកប្រធានាធិបតី Donald Trump មិនអាចបញ្ជូនជនជាតិភាគតិច ៩២ នាក់ពីសហរដ្ឋអាមេរិកភ្លាមៗ ដោយមិនអនុញ្ញាតឱ្យពួកគេមានឱកាសធ្វើការតវ៉ារឿងក្តីនៅក្នុងតុលាការជាមុននោះឡើយ។ នេះបើតាមទីភ្នាក់ងារព័ត៌មាន Reuters នៅថ្ងៃសុក្រ ទី២៦មករា។
ប្រជាជនខ្មែរដែលភៀសខ្លួនទៅសហរដ្ឋអាមេរិកនៅគ្រាមានសង្រ្គាមស៊ីវិលនោះ ត្រូវបានតុលាការអាមេរិកផ្តន្ទាទោសពីបទព្រហ្មទណ្ឌជាច្រើនករណី ហើយត្រូវបានគេបណ្តេញចេញក្រោយពីទទួលទោសរួចរាល់នៅលើទឹកដីអាមេរិក។
កន្លងមក រដ្ឋាភិបាលកម្ពុជាបានបដិសេធមិនទទួលយកប្រជាជនខ្មែរអាមេរិកធ្វើមាតុភូមិនិវត្តនោះទេ។ ប៉ុន្តែក្រោយមកបានយល់ព្រមទទួលយកដោយភ្ជាប់លក្ខខណ្ឌស្ម័គ្រចិត្ត ខណៈអាមេរិកបិទទិដ្ឋាការដល់ការទូតរបស់កម្ពុជាមួយចំនួននោះ។ បើគិតចាប់ពីឆ្នាំ ២០០២ មក មានពលរដ្ឋខ្មែរ ប្រមាណជាង ៥០០នាក់ហើយ ដែលអាមេរិកបានបញ្ជូនមកកម្ពុជាវិញ៕
យ៉ាងណាក៏ដោយ មន្រ្តីរដ្ឋាភិបាលកម្ពុជា បានចាត់ទុកចំណាត់របស់តុលាការអាមេរិកនេះថា បានផ្តល់យុត្តិធម៌ចំពោះពលរដ្ឋខ្មែរតាមច្បាប់របស់អាមេរិក និងតម្លៃមនុស្សធម៌តាមគោលការណ៍សិទ្ធិមនុស្ស ហើយថាការរិតត្បិតទិដ្ឋាការរបស់រដ្ឋាភិបាលអាមេរិក កាលពីខែកញ្ញាឆ្នាំ២០១៧លើមន្រ្តីកម្ពុជានោះ ធ្វើឡើងមិនមានមូលដ្ឋាន។
បើតាម លោក ជុំ សុន្ទរី ប្រសិនបើ អាមេរិកដកចេញបំរាមទិដ្ឋាការដល់មន្រ្តីការទូតកម្ពុជានោះគឺជាការត្រួសត្រាយផ្លូវ បើកឲ្យមានកិច្ចសហប្រតិបត្តិការឡើងវិញ លើការរុករកអដ្ឋិធាតុទាហានដែលស្លាប់នៅកម្ពុជាសម័យសង្រ្គាម។
កាលពីខែតុលា ឆ្នាំ២០១៧ អាជ្ញាធរទទួលបន្ទុកបញ្ហាអន្តោប្រវេសន៍នៅអាមេរិក បានបើកប្រតិបត្តិការចុះឆែកឆេរជាបន្តបន្ទាប់ ហើយក៏បានធ្វើការឃាត់ខ្លួនជនជាតិខ្មែរបានប្រមាណ១០០នាក់ ដោយភាគច្រើនក្នុងចំណោមនោះ គឺជាអ្នកដែលបានរត់ភៀសខ្លួន ចេញពីរបបប្រល័យខ្មែរក្រហម កាលពីអំឡុងទសវត្សរ៍៧០។
ប៉ុន្តែចៅក្រមសហព័ន្ធបាននិយាយកាលពីថ្ងៃព្រហស្បតិ៍ថារដ្ឋបាលរបស់លោកប្រធានាធិបតី Donald Trump មិនអាចបញ្ជូនជនជាតិភាគតិច ៩២ នាក់ពីសហរដ្ឋអាមេរិកភ្លាមៗ ដោយមិនអនុញ្ញាតឱ្យពួកគេមានឱកាសធ្វើការតវ៉ារឿងក្តីនៅក្នុងតុលាការជាមុននោះឡើយ។ នេះបើតាមទីភ្នាក់ងារព័ត៌មាន Reuters នៅថ្ងៃសុក្រ ទី២៦មករា។
ប្រជាជនខ្មែរដែលភៀសខ្លួនទៅសហរដ្ឋអាមេរិកនៅគ្រាមានសង្រ្គាមស៊ីវិលនោះ ត្រូវបានតុលាការអាមេរិកផ្តន្ទាទោសពីបទព្រហ្មទណ្ឌជាច្រើនករណី ហើយត្រូវបានគេបណ្តេញចេញក្រោយពីទទួលទោសរួចរាល់នៅលើទឹកដីអាមេរិក។
កន្លងមក រដ្ឋាភិបាលកម្ពុជាបានបដិសេធមិនទទួលយកប្រជាជនខ្មែរអាមេរិកធ្វើមាតុភូមិនិវត្តនោះទេ។ ប៉ុន្តែក្រោយមកបានយល់ព្រមទទួលយកដោយភ្ជាប់លក្ខខណ្ឌស្ម័គ្រចិត្ត ខណៈអាមេរិកបិទទិដ្ឋាការដល់ការទូតរបស់កម្ពុជាមួយចំនួននោះ។ បើគិតចាប់ពីឆ្នាំ ២០០២ មក មានពលរដ្ឋខ្មែរ ប្រមាណជាង ៥០០នាក់ហើយ ដែលអាមេរិកបានបញ្ជូនមកកម្ពុជាវិញ៕
អង្គការសិទ្ធិមនុស្សខ្មែរ-អាមេរិកាំង គាំទ្រចលនាសង្គ្រោះជាតិ
នៅថ្ងៃអាទិត្យទី២៨ ខែមករានេះ ចលនាសង្គ្រោះជាតិនឹងប្រកាសចាប់ផ្តើមសកម្មភាពរបស់ខ្លួននៅទីក្រុងឡុងប៊ិចរដ្ឋកាលីហ្វ័រញ៉ា ជាទីដែលមានពលរដ្ឋខ្មែរ-អាមេរិកាំងរស់នៅច្រើនជាងគេបំផុតនៅសហរដ្ឋអាមេរិក។
វ៉ាស៊ីនតោន — អង្គការខ្មែរ-អាមេរិកាំងដើម្បីសិទ្ធិមនុស្សនិងលទ្ធិប្រជាធិបតេយ្យ (CAHRAD) ដែលមានមូលដ្ឋាននៅតំបន់រដ្ឋធានីវ៉ាស៊ីនតោនសហរដ្ឋអាមេរិក បានប្រកាសទទួលស្គាល់ការបង្កើតចលនាសង្គ្រោះជាតិបើទោះបីជាអាជ្ញាធរកម្ពុជាចាត់ទុកចលនានេះថាខុសច្បាប់និងគំរាមបង្ក្រាបក៏ដោយ។នៅក្នុងសេចក្តីប្រកាសព័ត៌មានជាផ្លូវការកាលពីថ្ងៃទី២៥ ខែមករា អង្គការ CAHRAD បានចាត់ទុកចលនាសង្គ្រោះជាតិ ថាមានផលប្រយោជន៍ស្រដៀងគ្នានឹងសកម្មភាពរបស់ពួកខ្លួន។
អង្គការនេះបានបន្ថែមថា៖
«នៅពេលណាមានចលនាដោយសន្តិភាពនិងអហិង្សាដើម្បីប្រមូលផ្តុំពលរដ្ឋកម្ពុជាការពារសិទ្ធិរបស់ពួកគេកាន់តែច្រើនគឺកាន់តែប្រសើរក្នុងការលើកកម្ពស់ប្រជាធិបតេយ្យពិតប្រាកដ ការបោះឆ្នោតដោយសេរីនិងត្រឹមត្រូវ យុត្តិធម៌និងការគោរពសិទ្ធិមនុស្សនៅកម្ពុជា»។
កាលពីថ្ងៃទី១២ ខែមករា លោក សម រង្ស៊ី អតីតប្រធានគណបក្សសង្គ្រោះជាតិបានប្រកាសតាមទំព័រហ្វេសប៊ុករបស់លោកស្តីពីការរៀបចំបង្កើតចលនាសង្គ្រោះជាតិជាផ្លូវការនៅខែមករានេះដោយក្នុងនោះលោកបានបង្ហោះឯកសារស្តីពីសមាសភាពស្ថាបនិកជាច្រើនរូបដែលមកពីគណបក្សសង្គ្រោះជាតិ។ ក្នុងនោះមានលោក សម រង្ស៊ី លោកស្រី ជូឡុង សូម៉ូរា លោក អេង ឆៃអ៊ាង និងលោកស្រី មូរ សុខហួរ ជាដើម។
នៅថ្ងៃអាទិត្យទី២៨ ខែមករានេះ ចលនាសង្គ្រោះជាតិនឹងប្រកាសចាប់ផ្តើមសកម្មភាពរបស់ខ្លួននៅទីក្រុងឡុងប៊ិចរដ្ឋកាលីហ្វ័រញ៉ា ជាទីដែលមានពលរដ្ឋខ្មែរ-អាមេរិកាំងរស់នៅច្រើនជាងគេបំផុតនៅសហរដ្ឋអាមេរិក។ នេះបើតាមការបញ្ជាក់របស់លោកស្រី មូរ សុខហួរ អនុប្រធានគណបក្សសង្គ្រោះជាតិ។
ចលនានេះបង្កើតឡើងក្នុងគោលបំណងស្តារប្រជាធិបតេយ្យនៅកម្ពុជា ទាមទារឲ្យមានការដោះលែងលោក កឹម សុខា និងទាមទារឲ្យមានការបោះឆ្នោតដោយសេរី និងយុត្តិធម៌នៅកម្ពុជា។ នេះបើតាមការប្រកាសរបស់ក្រុមស្ថាបនិក។
គណបក្សសង្គ្រោះជាតិត្រូវបានតុលាការកំពូលកម្ពុជាប្រកាសរំលាយកាលពីថ្ងៃទី១៦ ខែវិច្ឆិកា ឆ្នាំ២០១៧ ក្រោមបទចោទប្រកាន់ថា មានឃុបឃិតជាមួយនឹងបរទេសដើម្បីធ្វើបដិវត្តន៍ពណ៌ផ្តួលរំលំរដ្ឋាភិបាលរបស់លោកនាយករដ្ឋមន្ត្រី ហ៊ុន សែន។ លោក កឹម សុខា ប្រធានគណបក្សសង្គ្រោះជាតិក៏កំពុងស្ថិតនៅក្នុងពន្ធនាគារក្រោមបទចោទប្រកាន់ដូចគ្នានេះដែរ។
សហគមន៍អន្តរជាតិបានថ្កោលទោសចំពោះចំណាត់ការរបស់រដ្ឋាភិបាលកម្ពុជា ថាជាការបំបិទសំឡេងបក្សប្រឆាំងនៅកម្ពុជា។
បន្ទាប់ពីមានការប្រកាសបង្កើតចលនាសង្គ្រោះជាតិមានសេចក្តីរាយការណ៍នានាពីការខ្វែងគំនិតគ្នារវាងមន្ត្រីគណបក្សដែលមានប្រភពដើមមកពីគណបក្សសិទ្ធិមនុស្សរបស់លោក កឹម សុខា និងគណបក្ស សម រង្ស៊ី។
លោក អ៊ុង រិទ្ធី ប្រធានគណបក្សសង្គ្រោះជាតិប្រចាំសហរដ្ឋអាមេរិកបានប្រកាសកាលពីថ្ងៃទី១៥ ខែមករាលាលែងចេញពីចលនានេះវិញបន្ទាប់ពីចូលរួមបានតែបីថ្ងៃប៉ុណ្ណោះដោយលោកលើកហេតុផលពីការ«មិនយល់ស្របគ្នា»ក្នុងការបង្កើតចលនានេះនិងដើម្បីទុកពេលបន្តទាមទារឱ្យមានការដោះលែងលោក កឹម សុខា និងអ្នកទោសនយោបាយដទៃទៀត។
លោក កឹម សុខា ប្រធានគណបក្សសង្គ្រោះជាតិក៏ប្រកាសមិនចូលរួមជាមួយចលនានេះដែរ។
នៅក្នុងសារមួយទៅកាន់អ្នកសារព័ត៌មានលោក សម រង្ស៊ី បានបញ្ជាក់ថា វាជាការយោគយល់បានដល់អារម្មណ៍របស់លោក កឹម សុខា ដែលមិនអាចសម្តែងការគាំទ្រចលនានេះបានព្រោះវាជាគ្រោះថ្នាក់ចំពោះគាត់ដែលកំពុងស្ថិតនៅក្នុងដៃរបស់លោក ហ៊ុន សែន ក្នុងពេលដែលចលនាសង្គ្រោះជាតិប្រកាសពីគោលបំណងប្រឆាំងដើម្បីបញ្ចប់ការដឹកនាំផ្តាច់ការរបស់លោក ហ៊ុន សែន។
លោក សម រង្ស៊ី បានបន្ថែមទៀតថា៖
«ដើម្បីហេតុផលសន្តិសុខនិងដើម្បីឱ្យចលនារបស់យើងដែលទើបបង្កើតថ្មីនេះដំណើរការប្រកបដោយប្រសិទ្ធភាព ខ្ញុំសូមស្នើឱ្យមេដឹកនាំពិតប្រាកដនៃចលនាសង្គ្រោះជាតិនៅក្នុងប្រទេសកម្ពុជានិងបរទេសកុំសម្តែងការគាំទ្ររបស់ពួកគេដោយចំហ និងកុំបង្ហាញឈ្មោះរបស់ពួកគេ»។
អាជ្ញាធរកម្ពុជាបានចាត់ទុកចលនាសង្គ្រោះជាតិ ថាកំពុងតែរៀបចំធ្វើសកម្មភាព«ភេរវកម្ម» គឺ«មិនមែននយោបាយទេ» ហើយថា មេដឹកនាំគណបក្សសង្គ្រោះជាតិនឹងត្រូវមានទោស រួមទាំងលោក កឹម សុខា ផងដែរបើទោះបីជាលោកប្រកាសមិនចូលរួមក៏ដោយ។
អង្គការ CAHRAD បានបញ្ជាក់បន្ថែមថា នៅក្នុងស្ថានភាពបច្ចុប្បន្ននេះគឺអង្គការនេះមិនមើលឃើញពីលទ្ធិប្រជាធិបតេយ្យពិតប្រាកដនៅក្នុងប្រទេសកម្ពុជាឡើយ ចាប់តាំងពីរដ្ឋាភិបាលកម្ពុជាបានរំលាយគណបក្សសង្គ្រោះជាតិនិងយកអាសនៈសភាទាំង៥៥និងក្រុមប្រឹក្សាឃុំ-សង្កាត់ជិត៥.០០០ទៅចែកឱ្យបក្សដទៃមក។
អង្គការ CAHRAD បានបន្ថែមថា៖
«សកម្មភាពមិនស្របតាមលទ្ធិប្រជាធិបតេយ្យដែលប្រព្រឹត្តដោយរដ្ឋាភិបាលកម្ពុជាបានបណ្តាលឱ្យពលរដ្ឋកម្ពុជាប្រហែលពាក់កណ្តាលប្រទេសបាត់បង់ជំនឿរបស់ពួកគេមកលើរាជរដ្ឋាភិបាលនិងដំណើរការបោះឆ្នោតដែលជារូបមន្តមួយដែលអាចនាំទៅដល់អស្ថិរភាពនៅក្នុងប្រទេសនិងតំបន់»។
អង្គការ CAHRAD ធ្វើការយ៉ាងជាប់ជាប្រចាំជាមួយនឹងស្ថាប័ននីតិប្បញ្ញត្តិនិងនីតិប្រតិបត្តិរបស់សហរដ្ឋអាមេរិកនិងប្រមូលផ្តុំសហគមន៍ខ្មែរធ្វើសកម្មភាពលើកស្ទួយសិទ្ធិមនុស្សនិងលទ្ធិប្រជាធិបតេយ្យក្នុងនោះមានការចូលរួមរំឭកជាប្រចាំដល់កិច្ចព្រមព្រៀងសន្តិភាពទីក្រុងប៉ារីសនិងទាមទារឱ្យភាគីកម្ពុជានានាគោរពតាមស្មារតីនៃកិច្ចព្រមពៀងដែលបានចុះបានចុះហត្ថលេខាកាលពី២៦ឆ្នាំមុនមួយនេះ។
ប្រទេសកម្ពុជាគ្រោងនឹងរៀបចំការបោះឆ្នោតជាតិនៅថ្ងៃទី២៩ ខែកក្កដា ឆ្នាំនេះ៕
Subscribe to:
Comments (Atom)
How to earn money from enrich asia
If you are looking to make money online, I would strongly recommend to you join the Enrich.Asia, the most powerful social network that allow...
-
មន្ត្រីគណបក្សកាន់អំណាចនិយាយថា រដ្ឋាភិបាល គ្មានការខ្មាសគេទាល់តែសោះ នូវចំណាត់ការផ្លូវច្បាប់មកលើលោក កឹម សុខា ដែលជាជនក្ប... -
គណកម្មការបុណ្យសព លោក បណ្ឌិត កែម ឡី បានចូលបំភ្លឺ នៅចំពោះមុខ តំណាងអយ្យការអមតុលាការក្រុងភ្នំពេញ នៅថ្ងៃអង្គារនេះ បន្ទាប់ពី... -
ភ្នំពេញ — លោក ហ៊ុន សែន នាយករដ្ឋមន្ត្រីខ្មែរ នឹងចូលរួមកិច្ចប្រជុំកំពូល និងកិច្ចប្រជុំពាក់ព័ន្ធផ្សេងទៀតរបស់សមាគមប...